Նորապատ գյուղում խոտի դեզը միտումնավոր ոչնչացնելու գործով 3 ձերբակալված երիտասարդներին ազատ արձակելու պահանջով, այսօր ձերբակալվածներից Արամ Մուղալյանի մայրը եւ «Քաղաքացիական հասարակության ինստիտուտ» հ/կ նախագահը հանդիպել են դատախազ Դավիթ Սարգսյանի հետ: Նրանք պահանջում են վերանայել գործը, որը իրենց պնդմամբ, բազմաթիվ խախտումներով է կատարվել: Պահանջում են նաեւ տղաներին ազատ արձակել ոչ թե համաներման, այլ անմեղությունը ճանաչելու արդյունքում:
«Իմացանք, որ վաղը դատախազությունում քննարկում է լինելու այս գործով եւ արդյունքները կիմանանք վաղը չե մյուս օրը»,- դատախազի հետ հանդիպումից հետո ասաց «Քաղաքացիական հասարակության ինստիտուտ» հ/կ նախագահ Արման Դանիելյանը:
Նա ասաց` եթե վաղվա քննարկումը գործով լուրջ լինի, ապա գործում ներգրավված դատախազներն ու քննիչները պետք է պատժվեն:
Մուղալյանի մայրն էլ` Վարդուհի Շափաթաղյանն էլ ասաց. «Ներկայացրինք այն հարցադրումները, որ դատախազությունը կարող է կարգավորել: Առաջինը հարցը, որ ներկայացրինք հետեւյալն էր, որ դատախազն իրեն թույլ չտա հայտարարություն անել` առանց հիմնավորման»: Նրանք դժգոհել են նաեւ Արմավիրի դատախազությունից, որտեղ կատարվել է գործի նախաքննությունը. «Չեն ուզում ընդունել, որ նախաքննության ընթացքում թույլ են տվել խախտումներ, իսկ Արմավիրի դատախազությունում չեն ընդունում դա եւ իրենց ամբիցիաներից ելնելով` գործը քշում են առաջ»:
Կարդացեք նաև
Տիկին Վարդուհին ասաց` իր որդին մարտական է տրամադրված եւ այս գործով մինչեւ վերջ է գնալու, եթե Հայաստանում չարդարացնեն իրեն, դիմելու է Եվրոդատարան:
Ի դեպ նախօրեին ջրադուլը դադարեցրած Մուղալյանը, տիկին Շափաթաղյանի խոսքով, դադարեցրել է նաեւ հացադուլը:
Մանրամասները՝ տեսանյութերում
Արփինե ՍԻՄՈՆՅԱՆ
