Ավելի քան մեկ դար Սուրբ Կիրակոս՝ սև բազալտով կառուցված 14-րդ դարի հրաշալի եկեղեցու զանգերը լռել են: Գրում է «Վաշինգտոն Փոստ» թերթը Դիարբեքիրի հայկական եկեղեցու մասին:
1915թ. քրիստոնյաների սպանդի և տեղահանության ժամանակ այն լուրջ վնասվել էր, տասնամյակներ շարունակ կանգնած էր լքված և առանց տանիքի, որպես իր այցելուների սպանություններից մի ցավալի հուշ:
Այնուամենայնիվ արդեն մի քանի ամիս է, որ զանգերի ղողանջյունը լսվում է զանգակատանը և արձագանքում քաղաքի նեղ փողոցներում և բանուկ շուկաներում:
Սուրբ Կիրակոս եկեղեցին վերջերս ենթարկվել է 3 միլիոն դոլար արժողությամբ վերանորոգման, այդ թվում՝ տանիքը, բոլոր յոթ զոհասեղանները, որը հազվադեպ երևույթ է եկեղեցու համար, քանի որ սովորաբար մեկ հատ է լինում, և մետաղյա զանգի վերադարձը իր զանգակատուն:
Կարդացեք նաև
«Այս պահին զանգերն ընդամենը խորհրդանշական են», – ասում է Արահիմ Դեմիրճյանը, որն օրը երկու անգամ խփում է զանգերը, – «Քահանան այժմ վերապատրաստում է անցնում Երուսաղեմի հայկական համայնքում: Երբ նա ավարտի և վերադառնա, մենք նաև կարող ենք սկսել կանոնավոր շաբաթական ծառայությունները»:
Դեմիրճյանը Սուրբ Կիրակոսի ստվերի տակ անանուխի թեյը խմելիս ձեռով կոկորդի տակ գիծ է քաշում՝ իր հոր անցած փորձությունները նկարագրելիս:
1915թ. Դեմիրճյանի հորը մի մահմեդական էր վերցրել, երբ իր ընտանիքն արդեն ոչնչացրել էին: Դեմիրճյանն իրեն մահմեդական հայ է կոչում ու իր պարտքն է համարում իր հոր փրկվելու պատմությունը պատմել բոլոր զբոսաշրջիկներին, որոնք գալիս են Սուրբ Կիրակոսը տեսնելու:
Պատրաստեց Հովհաննես ԻՇԽԱՆՅԱՆԸ
