Միասնական քննչական մարմնի կազմավորման իրավական ապահովման հանձնաժողովը սեղմ ժամկետում մշակել է այն անհրաժեշտ օրինագծերը, որոնց ընդունմամբ հնարավոր կլինի հանրապետությունում ձեւավորել քննչական կոմիտե։ Ինչպես, Aravot.am-ին հանձնաժողովից տեղեկացրին, արդեն մշակվել է 15 օրինագիծ, որոնցից 3-ը՝ նոր օրենքներ։
Ավելին, հանձնաժողովի նախագահ Աղվան Հովսեփյանն արդեն բանակցել է նաեւ Եվրամիության խորհրդատվական խմբի փորձագետների հետ եւ ձեռք բերված պայմանավորվածության համաձայն, առաջիկայում Երեւան կժամանեն նաեւ միջազգային փորձագետներ՝ մշակված օրինագծերն ուսումնասիրելու եւ իրենց եզրակացություններն ու նկատառումները ներկայացնելու համար։
Սեփ.լր
