ԵԽԽՎ-ից վերադարձած Զարուհի Փոստանջյանը, որն այսօր հյուրընկալվել էր «Պոստ սկրիպտում» ակումբում, վստահ է, որ ԱԺ նախագահ Հովիկ Աբրահամյանը չի կարող իրեն հեռացնել ԵԽԽՎ պատվիրակության կազմից:
«Նման ոտնձգություն տարիներ առաջ տեղի է ունեցել, եւ ի՞նչ հետեւանքներ է ունեցել դա հայկական պատվիրակության համար: Բոլորը լավ են հիշում: ԵԽԽՎ-ում եւ Բյուրոյում դրա մասին բոլորը տեղեկացված են: Երբ Հովիկ Աբրահամյանի կողմից պաշտոնական քայլ կլինի՝ եթե լինի, նոր համարժեք պատասխանը կստանա»,-ասաց տիկին Փոստանջյանը, որը վստահ էր, թե իրեն պատվիրակությունից հանելու հարցը ԱԺ նախագահի առջեւ դրել է Սերժ Սարգսյանը:
Ինչ վերաբերում է իր կուսակից ընկերների՝ Ռուբիկ Հակոբյանի եւ Անահիտ Բախշյանի ասածներին, որ իրենք նման հարց չէին տա, Զարուհի Փոստանջյանը դա նորմալ է համարում, քանի որ իրենց կուսակցությունը «Կոմկուս կամ ՀՀԿ չի, որ բոլորը նայեն, թե առաջին դեմքը ինչ է ասում եւ իրենք էլ ասեն, մեզ մոտ բազմակարծություն կա»:
Այդուհանդերձ, նա համարում է, որ պարոն Հակոբյանը եւ տիկին Բախշյանը «այլ սերունդ» են, եւ գուցե թե դրանով է պայմանավորված նրանց ասածը, որ այդպիսի հարց չէին տա:
Կարդացեք նաև
Մելանյա ԲԱՐՍԵՂՅԱՆ
Դժբախտաբար դու ճիշտ ես, Զարուհի: Նախոևդ սերունդը իսկապես վախեցրած և վախեցաց սերունդ է: Իրավունք ունեմ դա ասելու, քանի որ այդ սերնդից եմ: Կարծում եմ` երբ մենք գնանք, Հայաստանը քեզ պես ավելի խիզախ ժողովուրդ կունենա: