Այսօր Վերաքննիչ քրեական դատարանի դատավոր Եվա Դարբինյանը մերժեց Տիգրան Առաքելյանի ներկայացրած միջնորդությունը՝ տուժող ճանաչված Տիգրան Ավետիսյանին կրկնակի դատաբժշկական փորձաքննության ենթարկելու, որպեսզի պարզեն՝ նրա քիթը կոտրված եղե՞լ է, թե՞ ոչ:
Դատավորը մերժեց՝ բացատրելով, որ առաջին ատյանի դատարանում նման միջնորդություն չեն ներկայացրել, չնայած դրա հնարավորությունն ունեցել են:
Պաշտպանը փորձում էր նոր միջնորդություն ներկայացնել՝ դարձյալ Տիգրան Առաքելյանի խափանման միջոցը փոխելու, սակայն դատավոր Եվա Դարբինյանը այսօրվա նիստը համարեց փակված՝ թույլ չտալով ներկայացնել այն: Դահլիճում ներկաները սկսեցին ամոթ, ամոթ վանկարկել դատարանին:
Հռիփսիմե ՋԵԲԵՋՅԱՆ
