«Նախընտրական քարոզարշավն ավարտվում է, երկու օրից ընտրություններն են, եւ այս ամբողջ ընթացքից կարելի է արդեն եզրակացություններ անել: Նախընտրական պայքարը կարելի է բաժանել երկու մասի, առաջինը` սկզբում հնարավոր էր այդ ընտրությունները դիտարկել իբրեւ այլընտրանքային եւ երկրորդ` Ալիեւը մնաց միայնակ, բոլոր հավանական եւ անհավանական թեկնածուներից ու այս ամենը ցույց է տալիս, որ նա չկարողացավ հանդուրժել մրցակցությունը», – այսօր «Հենարան» ակումբում խոսելով Ադրբեջանի նախագահական ընտրությունների մասին, ասաց, Ադրբեջանում իր թեկնածությունն առաջադրելու մասին հայտարարած Գրիգորի Այվազյանը:
«Քանի որ Ալիեւը գնաց ապօրինի քայլի, այս նախընտրական քարոզարշավը կարելի բնորոշել, որպես ամենախայտառակն ու ամոթալին` Ադրբեջանի պատմության մեջ»,-շեշտեց Գրիգորի Այվազյանը՝ շարունակելով, թե նախընտրական քարոզարշավն անցել է վախի մթնոլորտում:
Գրիգորի Այվազյանի խոսքով` լայն զանգվածները դժգոհ են Ադրբեջանի գործող ռեժիմից, երկրում տիրում է ատելության մթնոլորտ, իսկ հայ հասարակության համար այս ընտրություններում կարևորն այն է, որ եթե ալիեւյան իշխանությունը վերարտադրվեց, ապա վախի մթնոլորտում նրանք կդիմեն նույն քայլերին, այսինքն`հայերին պահելով լարված վիճակում:
«Այս ընտրություններից հետո տարածաշրջանում կստեղծվի այլ մթնոլորտ»,-ավելացրեց Գրիգորի Այվազյանը:
Կարդացեք նաև
Եվա ՀԱԿՈԲՅԱՆ
