Կարծում ենք, անհրաժեշտ է առանձնացնել Արցախի հիմնախնդրին անմիջականորեն առնչվող առանցքային մի շեշտադրում, որը հատուկ ընդգծեց նախագահ Սերժ Սարգսյանը ԵԽ ԽՎ լիագումար նիստում ունեցած իր ելույթում:
«Ղարաբաղը եղել է, կա եւ կմնա Եվրոպայի մաս: Ղարաբաղի այսօրվա հանրությունը եվրոպական հանրության` եվրոպական ընտանիքի մասնիկ է` անկախ իր պետության քաղաքական կարգավիճակից: Ուստի ես կարծում եմ, որ Եվրոպայի խորհուրդը կարող է, կարգավիճակից անկախ, ուղղակիորեն շփումներ նախաձեռնել Ղարաբաղի հետ` իր իսկ գործառույթների շրջանակներում, առավել եւս, երբ Եվրոպայի խորհուրդը նման փորձ ունի այլ հակամարտությունների գոտիներում»,- հայտարարեց նախագահը:
Որքան էլ որ դա առաջին հայացքից էական չթվա քաղաքական առումով, այնուհանդերձ անհերքելի փաստ է, որ Լեռնային Ղարաբաղն իր հստակ «նիշան» է սկսում գրավել Եվրոպայի զբոսաշրջային քարտեզում եւ բիզնեսում: Տարեցտարի, իսկ ընթացիկ տարի առավել եւս, ավելի ու ավելի շատ զբոսաշրջիկներ են եվրոպական տարբեր երկրներից այցելում Արցախ:
Նույնիսկ օտարի հպանցիկ հայացքը բավարար է, հասկանալու համար, որ հինավուրց ու քրիստոնեական երկրում եւ ժողովրդի մեջ է գտնվում: Իսկ Արցախը հենց այդպիսին է, որ կա: Ի վերջո, պատահական չէ, որ քրիստոնեական առաջին սահմանադրությունը հենց այստեղ է գրվել ու կիրառվել (խոսքը Վաչագան արքայի սահմանադրության մասին է):
Արմեն Հակոբյան
Հոդվածն ամբողջությամբ կարող եք ընթերցել «Հայոց աշխարհ» օրաթերթի այսօրվա համարում:
