«Ամերիկայի ձայն» ռադիոկայան. «Նյու Յորք Թայմս» ամերիկյան պարբերականը «Դարեր վերապրած Հայ Եկեղեցին ժամանակակից խոչընդոտների առջև է կանգնած» խորագրով իր հոդվածում անդրադարձել է սեպտեմբերի 24-ից 27-ը Մայր Աթոռ Սուրբ Էջմիածնում անցկացված Հայաստանյայց Առաքելական Սուրբ Եկեղեցու Եպիսկոպոսաց ժողովին, որին մասնակցել են Ամենայն Հայոց Կաթողիկոսության և Մեծի Տանն Կիլիկիո Կաթողիկոսության 62 արքեպիսկոպոսներ և եպիսկոպոսներ:
Հոդվածում ասված է, որ Հայաստանյայց Առաքելական Սուրբ Եկեղեցու առջև ներկայումս կանգնած են բազմաթիվ խնդիրներ, այս թվում՝ եկեղեցի կանոնավոր հաճախող հավատացյալների թվի նվազեցման խնդրի լուծումը:
«Աշխարհում եկեղեցին ունի ավելի քան ինը միլիոն հետևորդ, որոնք հիմնականում բնակվում են Հայաստանից դուրս: Վիճակագրական տվյալների համաձայն, հայերի ավելի քան 98 տոկոսն իրենց քրիստոնյա են համարում, սակայն միայն ութ տոկոսն է նշում, որ շաբաթն առնվազն մեկ անգամ եկեղեցի են հաճախում, ինչը վկայում է այն մասին, որ անկախության 22-րդ տարին բոլորած Հայաստանը դեռևս չի հաղթահարել պարտադրած աթեիզմի ժառանգությունը», – գրում է պարբերականը:
«Նյու Յորք Թայմս»-ի հոդվածի համաձայն, Եկեղեցու առաջնորդների շարքում պահպանվում են խորը տարաձայնություններ:
Կարդացեք նաև
«Հայ Եկեղեցու բաժանվածության հետ կապված ամբողջ իրավիճակը չի լուծվել: Այո, սա եպիսկոպոսաց ժողով է, սակայն եկեղեցին միասնական չէ», – պարբերականի վկայությամբ ասել է լարվածությունը չսաստկացնելու նպատակով իր անունը հրապարակելուց հրաժարված արևմտահայ արքեպիսկոպոսներից մեկը:
Հոդվածն ամբողջությամբ՝ սկզբնաղբյուր կայքում
