Չնայած թուրքական անուն-ազգանուններին, նրանք իրենց հայ են զգում
Բագրատաշենի մաքսակետի աշխատակիցներից մեկն «Առավոտի» թղթակցին ասաց, որ շատ է զարմացել, երբ ինքը թուրքերենով դիմել է Թուրքիայից Երեւան ավտոբուսային երթուղու թուրք վարորդին, վերջինս հայերեն ասել է. «Հայերեն խոսիր»: Պարզվել է, որ թուրքական անուն-ազգանունով վարորդն իրականում համշենահայ է: Այս երթուղում բազմաթիվ վարորդներ ծպտյալ հայեր են` Համշենի Խոբա քաղաքից: Համշենցի վարորդն ասել է, որ ինքը իր մեջ զգում է հայկական արյուն , սակայն իր երեխաները թուրքական դպրոց են գնում, կորցնում հայկական էությունը: Հավելենք, որ շուրջ մեկ տարի հիշյալ երթուղու ավտոբուսները հայ- վրացական սահմանը հատում են ոչ թե Բագրատաշենի, այլ` Բավրայի անցակետով, քանի որ այդպես ավելի հարմար է:
Ոսկան ՍԱՐԳՍՅԱՆ
