Ֆրանսիայի Ռազմական հետազոտությունների հիմնադրամի փորձագետ, քաղաքագետ Կայծ Մինասյանը «Առավոտ»-ի հետ զրույցում անդրադառնալով Մաքսային միությանը՝ Հայաստանի անդամակցության վերաբերյալ Սերժ Սարգսյանի մոսկովյան հայտարարությանը, դրա դրդապատճառներին՝ նկատեց, որ՝ «զարմանալի է Ռոբերտ Քոչարյանի, Վարդան Օսկանյանի լռությունը»:
«Ինչպե՞ս բացատրել այդ լռությունը․․․ Դուք որպես լրագրողներ՝ հարցրեք նրանց, ի՞նչ են մտածում այս ամենի մասին, ո՞րն է ձեր դիրքորոշումը: Եթե ստորագրվի Մաքսային միությանն անդամակցելու փաստաթղթերը՝ արդյո՞ք վարչապետը պետք է փոխվի եւ պետք է վերադառնա Ռոբերտ Քոչարյանը․․․ Սա՞ է տարբերակը: Արդյո՞ք Պուտինի նպատակը Սերժ Սարգսյանի իշխանությունը թուլացնելը չէր․․․ Քոչարյանը, որը փորձում է արդեն մի քանի տարի վերադառնալ քաղաքական ասպարեզ՝ ինչու՞ չի խոսում, թող հիմա խոսի որպես նախկին նախագահ», նշեց փորձագետը:
Մեր ճշգրտող հարցին, այսինքն՝ Քոչարյանի վերադարձի համար ճանապա՞րհ է բացվել, ֆրանսաբնակ քաղաքագետը պատասխանեց․ «Չգիտեմ, դեռ վաղ է խոսել, սակայն Հայաստանում ամեն ինչ հնարավոր է: Եթե Հայաստանը անդամակցի Մաքսային միությանը եւ Վիլնյուսում որեւէ նոր փաստաթուղթ չստորագրվի՝ հավանական է, որ իշխանության ներսում փոփոխություններ լինեն»:
Կարդացեք նաև
Ֆրանսիայի Ռազմական հետազոտությունների հիմնադրամի փորձագետ, քաղաքագետ Կայծ Մինասյանի ի հետ հարցազրույցն ամբողջությամբ կարող եք կարդալ վաղվա տպագիր «Առավոտ»-ում:
Էմմա ԳԱԲՐԻԵԼՅԱՆ
