Այսօր Aravot.am-ը ՀՀԿ Շիրակի մարզային կառույցի ղեկավար, Շիրակի մարզպետարանի կրթության վարչության երկարամյա պետ Սահակ Մինասյանին հարցրեց, թե ո՞րն է Գյումրու Բալատոն վարժարանն ավարտած Անի Զախարյանի` կուսությունից զրկվելու, արտամուսնական կապերից երեխաներ ունենալու կոչերի իմաստը: Արդյոք նոր քաղաքական կուսակցության`«Նոր քաղաքական մշակույթ»-ի ղեկավարը նմանատիպ հայտարարություններով ուզում է միանգամից ճանաչո՞ւմ ձեռք բերել, տեղ զբաղեցնել քաղաքականության մեջ:
«Հաջորդ քայլից կերևա, թե ինչ է ուզում Անի Զախարյանը: Ես ընթերցել եմ նրա մտքերը: Ամերիկյան մի ֆիլմ կա, որտեղ էդ դպրոցի տնօրենը պատասխանատու է բոլոր սաների գործած արարքների համար` առաջիկա 10 տարիների ընթացքում: Ես էդ պատասխանատվությունը օրենսդրորեն չունեմ, բայց հիմա Բալատոն վարժարանի սանը որ նշեցիք, սիրով վերցնում եմ այդ պատասխանատվությունը`չճանաչելով ու անձամբ ծանոթ չլինելով մեր աղջկան: Բայց սա նրա առաջին քայլն է, դատենք երկրորդից, առաջինի մեջ կարող են լինել նոտաներ`ձեր ակնարկին վերաբերող, այսինքն` ավելի հայտնի դառնալու միտում կամ խոսքը ավելի ազդեցիկ, լսելի դարձնելու կամ միանգամից ներգրավվելու միտում լինի: Եթե երկրորդ, երրորդ քայլերը, եթե վերստին ապացուցեին, որ նա ունի ինքնատիպ մոտեցում և ինքնատիպ վերաբերմունք ընդհանրապես, սա շատ ողջունելի կլինի», -ասաց մարզպետարանի պաշտոնյան:
Այսինքն` կարծում եք նման կոչերը ինքնատի՞պ են, մեր այս հարցին, Սահակ Մինասյանը պատասխանեց. «Միշտ ասել եմ ու կրկնում եմ, ցանկացած մարդու նեղ անձնականը միայն էդ մարդունն է, և էդ առումով մեր աղջիկը ճիշտ չէ, չի կարելի գրել, ասել, ջնջել և այլն, նույնիսկ ունենք ազգային ավանդույթ, հետևում ես, հետևում ես, չես հետևում, որոշողն էլի դու ես: Դա գրել, մեկնաբանել, լուսաբանել, օրինակ` ասենք ես շատ եմ սիրում կաթնաշոռ, հիմա ես պարտավոր չեմ և չեմ կարծում` ճիշտ է ամբողջ քաղաքով կաթնաշոռը գովազդել: Բայց մեր սանի պարագայում կասեմ` կարևորը մտածող է, կարդացող է, կարևորը ունի բավարար և ավելի գրագիտություն, մնացածը ժամանակին ինքը կհղկի, կյանքի կենսափորձին կշտկի, ամեն ինչ իր տեղը կբերի»:
Կարդացեք նաև
Նունե ԱՐԵՎՇԱՏՅԱՆ
