Այսօր, երբ Ազգային ժողովում քննարկվում էր ««Գենետիկորեն ձեւափոխված օրգանիզմների գործածության կենսանվտանգության մասին» օրենքի նախագիծը, ՀՀԿ-ական պատգամավոր Հակոբ Հակոբյանը, որն իր խոսքերով՝ երեք տարի շարունակ մասնակցել է այս օրենքի քննարկմանը, ասաց, որ ԳՁՕ-ները ստեղծել են եվրոպացիները՝ «սոված աֆրիկների» համար, քանի որ չէին կարողանում կերակրել նրանց, «ստիպված հատուկ սնունդ ստեղծեցին»:
Պարոն Հակոբյանը կոչ էր անում Հայաստանը ամբողջապես ազատել եւ փակել ԳՁՕ-ների համար, որպեսզի «հայի սերունդը կարողանանք երկար ժամանակ պահել»:
Նա նույնիսկ սպառնաց. «Եթե ուզում եք, որ վաղը մեր քաղաքացիները մեր գործընկերոջ երեկվա հարցադրման նման հարցադրումներ կանեն եվրոպաներում, եթե օգտագործեն ընդամենը 1-2 գրամ գենետիկ ձեւափոխված նյութ»:
«Եթե պետք է աշխատավարձ կամ թոշակ կրճատենք՝ կրճատենք, բայց չթողնենք, որ ԳՁՕ-ները մտնեն Հայաստան, սահմանները փակենք, լաբորատորիաներ բերենք, որ մթերքը ստուգվի: Եվրոպացիները ասում են, թե չգիտեն, թե ինչ կարող է լինել, ի՞նչ արդյունք կունենա այս ԳՁՃ-ների օգտագործումը, բայց պարզ է, որ լինելու է սա՜ր-սա՜-փե՜-լի՜… ատոմային ռումբից էլ վատ: Պարզ չի՝ ձիու տեսքով մարդ կծնվի, թե ձիու հոգեբանությամբ մարդ, չեն կարող ասել»:
Կարդացեք նաև
Մելանյա ԲԱՐՍԵՂՅԱՆ
Փթած ուղեղներով մարդկանց դժվար կլինի հասկացնել, որ եթե ողջ աշխարհն է այդ ուղին բռնել,
ոչինչ չես անի, իսկ ԳՁՈ-ով սնվողները երեկվա հարց տվողից միլիոնավոր կմ-ներ հեռու է: