Հայտնի ֆիլմից հայտնի արտահայտությունը ակամայից հիշեցի, երբ «Ժառանգություն» խմբակցության ղեկավար Ռուբիկ Հակոբյանը, տարբեր ձեւակերպումներով մի քանի անգամ կրկնեց, որ սպասում է, թե երբ կվերադառնա տիկին Փոստանջյանը, կբացատրի իր արարքի դրդապատճառները եւ ապա նոր ինքը կներկայացնի իր կարծիքը:
Այդուհանդերձ, երեկ, երբ ԱԺ նախագահը խորհրդակցություն է արել խմբակցությունների ղեկավարների հետ՝ տիկին Փոստանջյանին ԵԽԽՎ պատվիրակության կազմից հանելու հարցը քննարկելու համար, պարոն Հակոբյանը դեմ է արտահայտվել ընդհանրապես որեւէ հայտարարությամբ հանդես գալու գաղափարին:
Պարոն Հակոբյանը անձամբ նման հարց չէր տա՝ ոչ թե պսեվդոհայրենասիրական զեղումների պատճառով, որ մեր կեղտոտ սպիտակեղենը այլք չտեսնեն եւ այլն, այլ այն պարզ պատճառով, որ այդ կեղտոտ սպիտակեղենը Եվրոպան լվացողը չի՝ մենք պետք է լվանանք: Եվրոպան, ըստ պարոն Հակոբյանի, բազմիցս ապացուցել է, որ այն բոլոր խնդիրները, պրոբլեմները, որ մենք ունենք, նա ոչ թե օգնում է դրանք լուծել, այլ օգտագործում է որպես լծակ՝ մեզ վրա ճնշումներ գործադրելու համար:
Ի դեպ, այսօր տիկին Փոստանջյանն արդեն իսկ «Գալային» տված հարցազրույցում ասել է, որ կվերադառնա եւ համարժեք պատասխան կտա Հովիկ Աբրահամյանին:
Կարդացեք նաև
Մելանյա ԲԱՐՍԵՂՅԱՆ
