Այսօր Ազգային ժողովի նիստը սկսվեց ԱԺ նախագահ Հովիկ Աբրահամյանի խոսքով, որից պարզ դարձավ, որ ԵԽԽՎ հաջորդ նիստին Հայաստանի պատվիրակության կազմում այլեւս չի լինի «Ժառանգություն» խմբակցության պատգամավոր Զարուհի Փոստանջյանը: «Հաշվի առնելով Զարուհի Փոստանջյանի վարքագիծը՝ ԱԺ կանոնակարգ օրենքի 18-րդ հոդվածի 1-ին կետը, խորհրդակցել եմ խմբակցությունների հետ եւ մտադիր եմ փոփոխություն կատարել ԵԽԽՎ Հայաստանի պատվիրակության կազմում»,-ասաց պարոն Աբրահամյանը:
Այսպիսով, տիկին Փոստանջյանը «պատժվեց» իր երեկվա հարցի համար եւ դուրս է մնալու պատվիրակության կազմից:
Սրանով միանգամից հերքվեց ՀԱԿ-ամերձ շրջանակների երկու պնդում՝ նախ այն, որ «Ժառանգության» պատգամավորն իր ելույթը «համաձայնեցրել» եւ «պլանավորել էր» Բաղրամյան 26-ի կամ առնվազն Դավիթ Հարությունյանի հետ:
Նրանք, ովքեր կասեն, որ տիկին Փոստանջյանն այսպես թե այնպես ոչինչ չի կորցնում, որովհետեւ միեւնույն է, պետք է «ռոտացիայի» ենթարկվեր եւ նրա փոխարեն հաջորդ նիստին ՕԵԿ կամ ՀՅԴ ներկայացուցիչը մեկներ, ապա հիշեցնենք, որ ՀԱԿ-ի տեսակետն այս հարցում արդեն իսկ հրապարակվել է, ըստ որի՝ «Բաղրամյան 26-ում այլ որոշում է կայացվել. նախագահականը որոշել է «իր ընդդիմությանը» ձեռք չտալ, փոխարենը զրկել իրական ընդդիմությանը ԵԽԽՎ ամբիոնից` արդյունքում իր ընդդիմությանը գումարելով սեփական ՕԵԿ-ին»: «Իր ընդդիմությունը» տվյալ դեպքում, ըստ այդ հրապարակման՝ Զարուհի Փոստանջյանն է:
Կարդացեք նաև
Այսպիսով, հերքվեց նաեւ այս «դավադրությունը»՝ տիկին Փոստանջյանը չի լինի պատվիրակության կազմում: Այլ հարց է, թե նրա փոխարեն ո՞վ կլինի պատվիրակության կազմում՝ «Ժառանգության», թե այլ փոքրաթիվ խմբակցություններից մեկի ներկայացուցիչ:
Մելանյա ԲԱՐՍԵՂՅԱՆ
Զարուհի Փոստանջյանը ասեց այն, ինչը որ բոլորս մտածում էինք, այդ թվում և իր խորհրդական՝ Դալաքյանն էր ժամանակին ասել: Երբ մի օր էլ խաղամոլը ողջ Հայաստանի բյուջեն կազինոյում կրվի
այն ժամանակ բոլոր շակալները կսկսեն Զարուհուն պաշտպանել: Եվ կասեն թե՛ այն ժամանակ երբ
հազում կամ փռշտում էինք, հենց այդ մասին էինք իմաց տալիս: Սա Հայկական մենտալիտետն է:
Ո՞ւր են տանում քայլերն անխելք
Եվ չեն ենթարկվում անզոր ուղեղին
Կամ խորը թաղում ճահճի հատակում,
Կամ վեր բարձրացնում արևի լույսին: