Ինչպես տեղեկանում ենք «Դատալեքս» տեղեկատվական կայքից, 2012թ. սեպտեմբերի 25-ից Լոռու մարզի ընդհանուր իրավասության առաջին ատյանի դատարանում ընթանում է Տաշիր քաղաքի Վազգեն Սարգսյան փողոցի 19-րդ շենքի 10-րդ բնակարանի բնակիչ, 1994թ. ծնված Էդմոնդ Փեթակչյանի դատավարությունը: Վերջինս մեղադրվում է այն բանի համար, որ կրոնական համոզմունքների պատճառով հրաժարվել է 2012թ. գարնանային զորակոչից: Նրան մեղադրանք է առաջադրվել ՀՀ քրեական օրենսգրքի 327 հոդվածի 1-ին մասով («Ժամկետային զինվորական կամ այլընտրանքային ծառայությունից, վարժական հավաքներից կամ զորահավաքներից խուսափելը»): Նախկինում չդատված Է. Փեթակչյանի նկատմամբ խափանման միջոց է ընտրվել չհեռանալու մասին ստորագրությունը:
Ըստ lratvakan.am կայքի՝ հոկտեմբերի 2-ին Եվրոպայի խորհրդի խորհրդարանական վեհաժողովում ունեցած իր ելույթում ՀՀ նախագահ Սերժ Սարգսյանն ասել է, որ բանակում ծառայել չցանկացողներն օրենքով չեն հետապնդվի:
Ոսկան ՍԱՐԳՍՅԱՆ
