«Կամ իսկապես քաղաքական կյանքում դոմինանտ են ընկերական հարաբերությունները եւ ոչ մի քաղաքական տարաձայնություն կարեւոր չէ, ուղղակի հարգում են Գեւորգ Կոստանյանին, ընդունում են, կամ համագործակցում են: Ուրիշ բացատրություն ես դրան չունեմ»,- այսօր Aravot.am-ի հետ զրույցում «Ժառանգության» գլխավոր քարտուղար Ստյոպա Սաֆարյանն այսպես մեկնաբանեց Գեւորգ Կոստանյանին գլխավոր դատախազի պաշտոնում նշանակելու պատգամավորների քվեարկության արդյունքները:
Հիշեցնենք, որ քվեարկության արդյունքներով՝ 103 կողմ, 3 դեմ հարաբերակցությամբ Գեւորգ Կոստանյանն ընտրվեց ՀՀ գլխավոր դատախազ: Եվ զավեշտն այն էր, որ նախքան ընտրությունը «Ժառանգության» եւ ՀԱԿ-ի պատգամավորները հայտարարել էին, որ իրենք դեմ են քվեարկելու:
Մեր հարցին, եթե ընդդիմությունը հարգում է Գեւորգ Կոստանյանին եւ ուզում է «կողմ» քվեարկել,ինչո՞ւ էին հակառակ հայտարարություններն անում՝ Ստյոպա Սաֆարյանը պատասխանեց. «Այստեղ ուզում եմ օգտագործել Գագիկ Ջհանգիրյանի խոսքերը՝ ուզում են ե՛ւ հաճույք ստանան, ե՛ւ կույս մնան»:
Կարդացեք նաև
Հռիփսիմե ՋԵԲԵՋՅԱՆ
Իսկ եթե ազնիվ եք, թողեք Ռաֆֆի Հովհանիսյանին, թող Քոքոբելյանի հետ միասին՝ ընդիմություն
խաղան, ինչպես մնացած մյուսներն են՝ կեղծ ընդիմություն: