ՀՅԴ-ական պատգամավոր Արծվիկ Մինասյանը այսօր ԱԺ-ում կառավարության հետ հարցուպատասխանի ժամանակ հետաքրքրվեց ՀՀ նախագահի կողմից խոստացված աշխատավարձերի բարձրացման հարցով: Նախագահը այս ամռանը խոստացել էր, 2014թ. հունվարի 1-ից հանրապետությունում աշխատավարձերի բարձրանալու են:
Սակայն կառավարության աշխատակազմի ղեկավար-նախարար Վաչե Գաբրիելյանն ասաց, որ կառավարությունն արդեն հաստատել է փաթեթը, որը բյուջեի հետ միասին կներկայացվի, դրանում ոչ միայն ամբողջ պետական համակարգի աշխատավարձերի բարձրացումն է, այլեւ՝ կարգաբերումն ու կարգավորումը: Ըստ նախարարի՝ հունվարի 1-ից կսկսվի աշխատավարձերի բարձրացման պրոցեսը՝ փուլայնությամբ: Առաջին փուլով, այսինքն՝ տարեսկզբին կբարձրանան բոլոր ուժային կառույցների աշխատակիցների աշխատավարձերը: Իսկ հիմնական բարձրացումը կսկսվի ամռանը՝ «ամեն ինչ համահունչ է նախագահի նշած ժամկետներին»:
Անշուշտ, պարոն Մինասյանը չհամաձայնեց, որ նախագահի ասածը եւ կառավարության արածը համահունչ են, բայց Վաչե Գաբրիելյանը առաջարկեց «շեղումներ չփնտրել»:
Կարդացեք նաև
Մելանյա ԲԱՐՍԵՂՅԱՆ
