ԵԽԽՎ Հայաստանի հարցով համազեկուցող Ջոն Պրեսկոտն այսօր ԵԽԽՎ աշնանային նստաշրջանի լիագումար նիստի ընթացքում ՀՀ նախագահ Սերժ Սարգսյանին հարցրեց` ինչպե՞ս են պատրաստվում լուծել կրոնական դրդապատճառներով զինծառայությունից խուսափած, ՀՀ-ում անազատության մեջ գտնվող 29 անձանց հարցը:
Սերժ Սարգսյանը պատասխանեց. «Գիտեք, որ խղճի ազատության եվրոպական չափորոշիչներին հասնելու համար հսկայական աշխատանք ենք տարել: Քաղաքական կամքի առկայության պայմաններում օրենսդրական լուծումները տրված են: Փոփոխվել են այլընտրանքային զինծառայության մասին օրենսդրական դրույթները և այո, այն մարդիկ, ովքեր իրենց համոզմունքի պատճառով չեն ցանկացել ծառայել բանակում, նրանք քրեական պատասխանատվությունից կազատվեն` համաձայն մեր ընթացակարգերի: Քաղաքական կամքը կա, օրենսդրական բարեփոխումները իրականացված են, գործընթացն ընթացքի մեջ է»:
Տաթև ՀԱՐՈՒԹՅՈՒՆՅԱՆ
