Դատապարտյալը նամակով դիմել է ՄԻՊ-ին, ՀՀ նախագահին, ԱԺ-ին
Ես՝ Գեւորգ Սերյոժայի Գասպարյանս, ծնվել եմ 1980թ.-ին:
2010թ. հունվարի 15-ին դատապարտվել եմ 4 տարի 10 ամիս ժամկետով ազատազրկման՝ ՀՀ քրեական օրենսգրքի 177 հոդվածի 2-րդ մասով:
Պատիժս կրում եմ արդարադատության նախարարության «Սեւան» քրեակատարողական հիմնարկում:
Կարդացեք նաև
Մեծարգո ղեկավարներ, չգիտեմ, թե արդեն ինչ անեմ: Միայն Ձեզ կարող եմ ուղղել վերջնագիրս:
Միգուցե հրաժեշտ տամ այս կյանքին:
Արդեն հինգերորդ անգամ է, որ պայմանական վաղաժամկետ ազատման հարցերով ստեղծված անկախ հանձնաժողովն անհիմն ինձ մերժում է:
Ես ցանկանում եմ մի առաջարկություն անել. ստեղծել «կախված հանձնաժողով», որը կկարողանա վերահսկել անկախ հանձնաժողովին, օգնել ինձ ու իմ նմաններին՝ դուրս գալ այս ծանր իրավիճակից:
Քրեակատարողական հիմնարկի վարչակազմի միջնորդությունը քանիցս մերժել է անկախ հանձնաժողովը:
Արդարադատության նախարար Հրայր Թովմասյանը, որին միայն հեռուստատեսությամբ ենք տեսնում իր տեղակալների հետ, ոչ մի անգամ չի այցելել քրեակատարողական հիմնարկ, չնայած մեր բազմաթիվ խնդրանքներին:
Իսկ անկախ հանձնաժողովի նախագահ պարոն Համբարձումյանին տեսնում ենք. ոստիկանության համակարգում նույնպես կան մեր նման մարդիկ: Գյումրիի ոստիկանների դեպքը նկատի ունեմ, ոսկու խանութի գողության դեպքը:
Այսօրվա ոստիկանը, բացի թալանելուց, բռնաբարում է կնոջը երեխայի աչքի առաջ:
Ես կսպասեմ 1 ամիս էլ, որպեսզի ստեղծվի վերահսկող հանձնաժողովը՝ դատապարտյալներին անկախ հանձնաժողովից ազատելու համար, պաշտպանելու նպատակով, թե չէ՝ մեր դատարաններն իրավազոր չեն այդ հանձնաժողովի դեմ:
Կարող եք կարդալ նմանատիպ գործերով դատարանների կայացրած դատական ակտերը:
Միգուցե հրաժարվենք լինել Հայաստանի Հանրապետության քաղաքացի, քանի որ Հայաստանի Հանրապետությունը անտեսում է օրենքները եւ չի կիրառում օրենքով մեզ հասանելիք վաղաժամկետ ազատումը:
Հուսով եմ, որ հրաժեշտ չեմ տա կյանքիս ձեր օգնությամբ:
«Առավոտ» օրաթերթ
