Հատված Տիգրան Առաքելյանի փաստաբան Մուշեղ Շուշանյանի հետ հարցազրույցից:
– Մուշեղ, համաներման որոշումն արդեն դրական եզրակացություն է ստացել։ Հիմա արդեն հստակ կարելի է ասել, թե Տիգրան Առաքելյանը ե՞րբ կլինի ազատության մեջ։
– Եթե ընդունենք, որ համաներումր տարածվում է նաեւ Տիգրան Առաքելյանի վրա, պետք է հիմք ընդունենք մի կարեւոր հանգամանք՝ նրա եւ նրա երեք ընկերների վերաբերյալ քրեական գործը այժմ գտնվում է Վերաքննիչ քրեական դատարանում։ Այսինքն` դատարանն է պետական այն իրավասու մարմինը, որը կարող է համաներում կիրառել նրա նկատմամբ։
Նաեւ պետք է հաշվի առնենք, որ Վերաքննիչ քրեական դատարանում դատը ընթացքի մեջ է եւ թե ինչ ժամանակահատվածում համաներումը հնարավոր կլինի կիրառել, եթե այն կիրառման ենթակա է, հստակ օրերի կամ շաբաթների առումով ասելը շատ դժվար է։
Կարդացեք նաև
Ամեն դեպքում ես հաշվի եմ առնում նաեւ այն, որ իմ պաշտպանյալը դեռեւս ունի դատարանին ներկայացնելու միջնորդություններ, որոնք նաեւ ես պետք է նրա անունից ներկայացնեմ դատարանին, եւ այնպես չէ, որ համաներման մասին լուրը լսելով մենք պետք է ոգեւորվենք եւ ձգտենք, որ Տիգրան Առաքելյանը համաներմամբ օր առաջ հայտնվի ազատության մեջ։
Ուզում եմ ասել, որ մեր նպատակը արդարացման հասնելն է, Տիգրան Առաքելյանը քաղաքական բանտարկյալ է, իր նկատմամբ քրեական հետապնդումը միանգամայն շինծու է, ինքը կեղծ մեղադրանքի եւ կեղծ ցուցմունքների հիման վրա է հետապնդվում եւ ավելին՝ քրեական հետապնդման ենթակա են այն մարդիկ, ովքեր իր նկատմամբ կեղծ եւ սուտ ցուցմունքներ են տվել։
Միգուցե դատական գործընթացը ինչ-որ ժամանակով ձգձգվի մեր միջնորդությունների պատճառով, այսինքն` հստակ չեմ կարող ասել, թե կիրառման պարագայում համաներումը երբ կկիրառվի հենց այս քրեական գործի պարագայում։
Անի ԳԵՎՈՐԳՅԱՆ
Հարցազրույցն ամբողջությամբ կարող եք կարդալ «Չորրորդ իշխանություն» թերթի այսօրվա համարում
