ՄԱԿ-ում ԱՄՆ-ի նախկին դեսպան, «Բազմաֆունկցիոնալ դիվանագիտության ինստիտուտ» հ/կ-ի հիմնադիր Ջոն Մակդոնալդը առաջարկում է ստեղծել Հարավային Կովկասի միասնական տնտեսական գոտի: Ըստ նրա, այդ գաղափարին կողմ է Վրաստանի վարչապետ Բիձինա Իվանիշվիլին: Հայտնում է «Գրուզիա Օնլայն» լրատվականը:
«Վարչապետը գոհունակություն է հայտնել այդ գաղափարի համար: Նա արդեն քաղաքական հանդիպումներ է ունեցել Հայաստանի, Ադրբեջանի և Թուրքիայի առաջնորդների հետ», – ասել է Մակդոնալդը, որն այժմ գտնվում է Վրաստանում:
Լրագրողների հարցին, թե ինչքանով է հնարավոր նման գոտի ստեղծելու հնարավորությունները, երբ Հայաստանը որոշել է անդամակցել Մաքսային միությանը, իսկ Վրաստանը եվրաինտեգրման ճանապարհն է բռնել, Մակդոնալդը պատասխանել է, որ ինքը լավատեսորեն է տրամադրված, քանի որ Վրաստանը, Ադրբեջանը և Հայաստանը «շատ ընդհանուր բաներ ունեն»:
Պատրաստեց Հովհաննես ԻՇԽԱՆՅԱՆԸ
Կարդացեք նաև
