«Ազատություն» ռադիոկայան. Աշխարհահռչակ երգիչը Թուրքիա այցելելու ցանկություն է հայտնում:
Հանրահայտ ֆրանսահայ երգիչ, ՀՀ դեսպան Շառլ Ազնավուրը Հայաստանի նախագահ Սերժ Սարգսյանի հետ Փարիզում կայացած հանդիպմանը ասել է, որ Հայաստանը պետք է ընդունի մահմեդականություն դավանող հայերին:
«Հայաստանը պետք է բացի իր դռները հայկական սփյուռքի համար, ովքեր մահմեդականություն են ընդունել», – հանդիպման ընթացքում ասել է Ազնավուրը՝ նշելով, որ հասարակությունը պետք է կազմված լինի տարբեր հավատքի ներկայացուցիչներից:
World Bulletin կայքի փոխանցմամբ՝ Շառլ Ազնավուրը Le Dauphine թերթին նաև ասել է, որ ինքը աջակցում է Հայաստանի և հարևան Թուրքիայի մերձեցման դիվանագիտական ջանքերին: Չնայած 100 տարի առաջ հայերի ցեղասպանությունից սկսած երկու երկրների միջև շարունակվող բանավեճին, Ազնավուրն ասել է, որ հայ – թուրքական սահմանի բացումը ավելի կարևոր խնդիր է ուշադրության տակ պահելու համար:
Կարդացեք նաև
Աշխարհահռչակ երգիչն ասել է, թե ցանկանում է Թուրքիա մեկնել, որտեղ չի եղել մանուկ տարիքից հետո: Երկիր, որտեղ ծնվել է իր մայրը:
Նա ընդգծել է, որ խնդիր չունի թուրք ժողովրդի հետ, ինքը համաձայն չէ հայկական խնդիրների շուրջ Անկարայի տեսակետներին:
Հայաստանի խնդիրների առնչությամբ Ազնավուրն ընդգծել է, որ կառավարությունը պատասխանատու է իր քաղաքացիների համար աշխատանք ու բնակարաններ ապահովել:
Հրաչ Մելքումյան
