Մասաչուսեթսի նահանգի Վուսթերի պետական համալսարանում առաջին անգամ կանցկացվի հայկական ֆիլմերի փառատոն: Հայտնում է «Արմենիան Ուիքլի» թերթը:
Փառատոնին կցուցադրվեն Էրիկ Նազարյանի «Բոլիս», Բարեդ Մարոնյանի «Ցեղասպանության որբերը», Թալին Ավագյանի «Կես կետ» և «Հիշելով մեր անցյալը՝ կերտենք ապագան» ֆիլմերը: Կինոգործիչները ներկա կլինեն՝ ցուցադրություններից հետո ֆիլմերը քննարկելու համար:
«Մենք շատ ոգևորված ենք այս կարևոր ֆիլմերը Վուսթերի համայնքին հասանելի դարձնելու համար: Նրանք ցույց են տալիս հայ կինեմատոգրաֆիայի մեծությունը, – ասել է Վուսթերի ՀՅԴ Հայ Դատի գրասենյակի ղեկավար Ջորջ Աղաջանյանը, – երկար տարիներ է, ինչ Վուսթերի համալսարանը հայկական կրթական և մշակութային ծրագրեր իրականացնելու համար հիանալի գործընկեր է, և մենք շնորհակալ ենք, որ կարող ենք կինոփառատոնն անցկացնել համալսարանում»:
Փառատոնը կսկսվի այս տարվա նոյեմբերի 9-ին:
Պատրաստեց Հովհաննես ԻՇԽԱՆՅԱՆԸ
