Ալ Քաիդայի հետ կապված «Իրաքի և Լևանտի իսլամական պետության» (ԻԼԻՊ) խմբավորումը Թուրքիայի վարչապետ Ռեջեփ Թայիփ Էրդողանին սպառնացել է ահաբեկչական գործողություններ իրականացնել Անկարայում և Ստամբուլում, եթե Թուրքիան չվերաբացի Բաբ ալ-Հավա և Բաբ ալ-Սալամ անցակետերը, որոնք Անկարան փակել է այն բանից հետո, երբ ԻԼԻՊ-ի գրոհայինները գրավել են Սիրիայի Ազազ սահմանային քաղաքը: Հայտնում է «Ռեգնում» լրատվականը գործակալությունը՝ հղում անելով թուրքական «Թըդեյս Զաման»-ին:
Ըստ ահաբեկիչների հայտարարության, ԻԼԻՊ-ը Էրդողանին մինչև հաջորդ երկուշաբթի՝ հոկտեմբերի 7-ը ժամանակ է տվել սահմանակետերը բացելու համար:
Բացի դրանից, խմբավորումն իր վրա է վերցրել Թուրքիայի Ռեյխանլի քաղաքում տեղի ունեցած ահաբեկչության պատասխանատվությունը, որի հետևանքով 53 մարդ է զոհվել, իսկ 100-ից ավելին վիրավորվել են:
«Ռեգնում»-ը հիշեցնում է, որ ավելի վաղ Անկարան Ռեյխանլիի ահաբեկչության մեջ մեղադրում էր սիրիական հատուկ ծառայությունների հետ կապ ունեցող խմբավորումներին:
Կարդացեք նաև
Պատրաստեց Հովհաննես ԻՇԽԱՆՅԱՆԸ
