Այսօր «Նովոստի» միջազգային կենտրոնում կայացավ ՀԱՊԿ Վերլուծական ասոցիացիայի «ՀԱՊԿ-ը եւ Եվրասիայի անվտանգությունը» թեմայով զեկույցի շնորհանդեսը` Մոսկվա-Երեւան տեսակամրջի ձեւաչափով։
Մոսկվայից մասնակցում էին` «Խելամիտ ինտերնետ» հիմնադրամի գլխավոր տնօրեն Վլադիմիր Մամոնտովը, Կասպիական համագործակցության ինստիտուտի գլխավոր տնօրեն Սերգեյ Միխեեւը, «Հյուսիս–Հարավ» քաղաքագիտական կենտրոնի գլխավոր տնօրեն Ալեքսեյ Վլասովը, իսկ Երեւանից` «Նորավանք» գիտակրթական հիմնադրամի գործադիր տնօրեն Գագիկ Հարությունյանը, ՀՀ ՊՆ ազգային ռազմավարական հետազոտությունների ինստիտուտի պետ, գեներալ–մայոր Հայկ Քոթանջյանը, եւ ՀԱՊԿ Վերլուծական ասոցիացիայի մոդերատոր–համակարգող Իգոր Պանարինը:
Վլադիմիր Մամոնտովի ձեւակերպմամբ, իր համար թեմայի վերաբերյալ, չի հերիքել հրապարակայնությունը: Նա կարծում է, որ անվտանգության երաշխիքներ եւ փոխադարձ պաշտպանվածություն հարցերը շատ կարեւոր են, իսկ այսօր, ցավոք, վտանգավոր իրավիճակներ շատ են լինում:
Սերգեյ Միխեեւն էլ գտնում է, որ ՀԱՊԿ-ը չպետք է զբաղվի միայն ռազմական հարցերով, նրա ուշադրության կենտրոնում պետք է հայտնվեն շատ այլ կարեւոր հարցեր, որոնք վերաբերվում է հասարակական մի շարք խնդիրներին:
Կարդացեք նաև
Անդրադառնալով սիրիական հակամարտությանը, Սերգեյ Միխեւեը շեշտեց, որ սիրիական կոնֆլիկտը վտանգավոր է տարածաշրջանի համար եւ, որ
պետք է եւս մեկ զեկույց լինի` սիրիական կոնֆլիկտի վերաբերյալ:
Գագիկ Հարությունյանն էլ գտնում է, որ այսօր աշխարհը դինամիկ փոխվում է: Եվ, որ շատ հարցեր կան, որոնք լուծելու խնդիր ունեն, իսկ հանգամանքները տանում են դրանց բարդացմանը:
Հայկ Քոթանջյանն էլ տեղեկացրեց, որ հունիսին այս թեմայի շրջանակներում համաժողով է կայացել, որին մասնակցել են լուրջ մասնակիցներ` Մոսկվայից եւ դրա շրջանակներում քննարկվել, դիտարկվել է ՀԱՊԿ գործունեության բովանդակությունը, կառավարման մշակումը, ուշադրություն է դարձվել կոլեկտիվ օդուժի խնդրին եւ այլն:
Եվա ՀԱԿՈԲՅԱՆ
