Ի՞նչ կտա նորաստեղծ Միասնական քննչական մարմինը։ Արդյո՞ք այն կբերի նոր մոտեցումներ եւ քննչական ծառայության լիարժեք անկախություն: Այս հարցում գնահատականները դեռեւս սպասողական են:
Սերժ Սարգսյանի կարգադրությամբ ստեղծված Միասնական քննչական մարմնի կազմավորման իրավական ապահովման հանձնաժողովը միգուցե գործնականում որոշ փոփոխություններ բերի, սակայն իրավաբանորեն ոչինչ չի փոխվի: Այս համոզմանն է նախկին դատավոր Պարգեւ Օհանյանը. «Քննչականը հիմա ումի՞ց է կախյալ, որ ուզում եք անկախ լինի, դատախազությունից չէ: Սահմանադրությամբ եւ դատախազության մասին օրենքով, դատախազությունը հսկողություն է իրականացնում եւ հետաքննության, եւ նախաքննության վրա: Եւ, եւ-ը մեր դժբախտությունն է, քանի որ պետք է լինի կամ-կամ»:
Պարգեւ Օհանյանը նորաստեղծ այս մարմնի պարագայում մեկ հիմնական խնդիր է տեսնում. «Հիմա, առավել քան երբեւէ, այդ մարմինը կդիտվի որպես ուժային կառույց` թուրն էլ է իմ ձեռքին, վահանն էլ, մեկ միասնական քննչական մարմին, պատկերացրեք, որի վրա իբրեւ թե ձեւականորեն պետք է հսկի դատախազությունը»:
Մանրամասն՝ կարդացեք այստեղ
