Ուրբաթ օրը Մոսկվայում իր համերգի ժամանակ Սերժ Թանկյանը խոսել է Ռուսաստանում բնապահպանական «Greenpease» խմբի ակտիվիստներին ձերբակալելու մասին: Հայտնում է «Նովայա Գազետա» թերթը:
«Ես գիտեմ, որ Ռուսաստանում ձերբակալվել են «Greenpease»-ի ակտիվիստները: Ես միտք ունեմ: Ռուսական իշխանությունը, որին պտականում է «Գազպրոմ»-ը, պետք է ուսումնասիրի «Գազպրոմ»-ի գործերը ու տեսնի, թե արդյոք բնապահպանական վտանգներ չկան Արկտիկայի հորատման վայրում: Այս թեմայով թող մի քանի գիտական հետազոտություններ ուսումնասիրեն, քանի որ այս պատմությունը շրջակա միջավայրի մասին է, ոչ թե ակտիվիստների գործունեության կամ ինչ-որ իշխանության էգոյի», – ասել է Թանկյանը:
Պատրաստեց Հովհաննես ԻՇԽԱՆՅԱՆԸ
