ՀԴԿ նախագահ Արամ Սարգսյանը` «Կանանց եւ տղամարդկանց հավասար իրավունքների եւ հավասար հնարավորությունների ապահովման մասին» վիճահարույց օրենքի մասին:
– ՀԴԿ-ն միակ քաղաքական ուժն է, որը միացել է այն հասարակական կազմակերպություններին, որոնք ձեւավորել են «Համահայկական ծնողական կոմիտեն» շարժումը եւ պայքարում են «Կանանց եւ տղամարդկանց հավասար իրավունքների եւ հավասար հնարավորությունների ապահովման մասին» վիճահարույց օրենքի դեմ. որքան տեղյակ եմ, պատրաստվում եք նամակով դիմել ԱԺ նախագահին եւ խորհրդարանական խումբ-խմբակցություններին: Մի փոքր մանրամասնեք, խնդրեմ, ի՞նչ բովանդակություն ունի նամակը, եւ ի՞նչ հնարավորություններ կան օրենքի կիրառումը կանխելու համար:
– Արդեն մի քանի ամիս է, որ մենք միացել ենք այդ շարժմանը եւ օրերս պատրաստվում ենք մի նամակ հանձնել ԱԺ նախագահին ու խորհրդարանական խումբ-խմբակցություններին առ այն, որ շատ անմեղ անվանումով օրենքի ամբողջական էությունը կապված է «գենդեր» եւ «գենդերային հարաբերություններ» հասկացությունների հետ: Երբ մեր օպոնենտները հասարակությանը հրամցնում էին, թե «գենդերն» ու «գենդերայինը» շատ անմեղ հասկացություններ են տղամարդ եւ կին հարաբերությունների մասին, մենք փորձեցինք հասկանալ, թե իրականում ի՞նչ է դա: Թարգմանվեց 2007 թվականի մարտին ՄԱԿ-ի մարդու իրավունքների խորհրդի կողմից հրապարակված, օրենսդրական բացարձակ ուժ ունեցող` «Սեռական կողմնորոշման եւ գենդերային ինքնության վերաբերյալ միջազգային իրավական սկզբունքներ» փաստաթուղթը: Փաստաթղթի անվանումն արդեն փաստում է, որ տղամարդու եւ կնոջ հարաբերությունների մասին բացարձակ խոսք չկա այստեղ: Ի՞նչ է այդ նորմն իրենից ներկայացնում: Փաստաթղթում գրված է. «Գենդերային ինքնությունը վերաբերում է յուրաքանչյուրի ներքին եւ անհատական խորին զգացմանը, որը կարող է համընկնել կամ չհամընկնել ծննդյան պահին արձանագրված սեռի հետ, այդ թվում՝ սեփական մարմնի ինքնազգացմանը (որն ազատ ընտրության դեպքում կարող է ներառել մարմնի տեսքի կամ դրա ֆունկցիաների աշխատանքի փոփոխությունները` դեղորայքի, վիրաբուժության կամ այլ միջոցներով) եւ գենդերի այլ դրսեւորումներով, այդ թվում հագուստի, խոսքի եւ պահվածքի միջոցով»: Այսինքն՝ սա բացարձակ որեւէ կապ չունի տղամարդկանց եւ կանանց համար հավասար պայմաններ ապահովելու հետ: Կնշանակի, որ այդ օրենքը խաբեություն է եւ կապ չունի կնոջ համար ավելի արտոնյալ հարաբերություններ ձեւավորելու հետ:
Որեւէ մեկը՝ ներառյալ մենք, դեմ չենք, որպեսզի կնոջը ոչ միայն հավասար պայմաններ ապահովված լինեն, այլեւ արտոնյալ պայմաններ տրվեն: Օրինակ՝ շատ լավ կլիներ, եթե օրենքում գրվեր, որ երեք եւ ավելի երեխա ունեցող կնոջն, ասենք, այսպիսի արտոնություններ են տրամադրվում, որ երեխաների խնամքի համար այսքան ժամանակ է տրամադրվում եւ վճարովի, որ «հերոս մայր» կոչում են շնորհում, որ աշխատանքային ժամերի առումով էլ արտոնություններ տան: Մենք միայն կողջունեինք: Բայց եթե խոսքն այն մասին է, որ դուք ուզում եք, այսպես կոչված, սեռական փոքրամասնությունների իրավունքները պաշտպանել, բացահայտ ասեք:
– Ձեր օպոնենտները քանիցս նշեցին, որ օրենքը քննարկումների բազմաթիվ փուլեր է անցել, ավելին՝ այն ժառանգություն է մնացել դեռ նախորդ գումարման խորհրդարանից: Ինչո՞ւ ավելի վաղ, երբ նախագիծը դեռ քննարկումների փուլում էր, չէին քննարկվում այդ բոլոր հարցերը, որ նշեցիք:
Կարդացեք նաև
– Որովհետեւ երբեւիցե այդ քննարկումներում չեն անդրադարձել բուն էությանը: Խոսքն անընդհատ եղել է այն մասին, որ ցանկանում են երկու սեռի ներկայացուցիչները լինեն համահավասար: Բայց հիմա, պարզվում է, իբր այս օրենքի նախագիծը բոլոր մարզերում քննարկվել է, ընդհուպ մինչեւ բոլոր գյուղերում: Ես համոզված եմ, որ այդպես չի եղել, իսկ եթե եղել է, հարց է առաջանում` ինչո՞ւ: Ես ուզում եմ հասկանալ` այդ քննարկումների ժամանակ մարդկանց ասե՞լ են, որ «գենդեր» ասելով խոսում ենք սեռի փոփոխման մասին: Որ եթե դու քեզ ոչ թե տղամարդ, այլ կին ես զգում կամ հակառակը, քո այդ իրավունքը պիտի պաշտպանվի: Եթե ասեին, համոզված եմ, որ շատ բուռն եւ տարօրինակ արձագանք կլիներ: Այլ հարց էլ է առաջանում`բա ինչո՞ւ մյուս օրենքներն էլ չեն տանում եւ էդպես մանրամասն չեն քննարկում մարզերում, ի՞նչ միջոցներ են ծախսել այդ ամենն անելու համար, բյուջեից ինչքա՞ն գումար է ծախսվել այդ ամենի համար:
Աշխատանքի եւ սոցիալական հարցերի նախարար Ֆիլարետ Բերիկյանը հայտարարում է, որ մարզերում իրենք քննարկումներ են կազմակերպել այս օրենքի վերաբերյալ: Ես ուզում եմ հարց տալ` ինքը գիտի՞, թե ինչ է նշանակում «գենդեր»: Կամ մյուսները, ովքեր պաշտպանում են, կարդացե՞լ են, հասկացե՞լ են: Այսինքն՝ իրենք կո՞ղմ են, որ իրենց երեխաներին քարոզեն, թե՝ այսպիսին դարձեք: Եթե այո` թող ասեն, մենք էլ իմանանք: Ի դեպ, այդ նախագծերի ընդունումը ԵՄ-ի հետ բանակցություններում կար:
Հիշեցնեմ, ի դեպ, որ ՀՀ Սահմանադրությամբ ՀՀ քաղաքացիները բոլոր իրենց իրավունքներով եւ պարտականություններով հավասար են, եւ նոր օրենք ընդունելու կարիքն անգամ չկար: Եթե ինչ-ինչ փոփոխությունների անհրաժեշտություն կար, կարելի էր համապատասխան օրենքներով անել դա:
– Տարբեր հրապարակումներ եղան այն մասին, թե որքան գումարներ են ստացել այդ նախագիծը լոբբինգ անող հ/կ-ները:
– Այո, հիմա արդեն բացահայտ ասվում է, որ այդ կազմակերպություններն առնվազն կես միլիոն դոլար գրանտներ են ստացել: Թող բարի լինեն բացատրել, թե ինչի՞ համար են ստացել այդ գումարը եւ ի՞նչ նպատակ են իրենք հետապնդում:
Ես մի շարք պատգամավորների հետ խոսել եմ, ասում են` ո՞վ է կարդացել, գրված էր`տղամարդկանց եւ կանանց հավասար պայմանների… չենք էլ կարդացել: Մարդկանց ապակողմնորոշել են, չնայած դա իրենց պատասխանատվությունից չի զրկում, քանի որ պարտավոր էին կարդալ ու հասկանալ, թե ինչի համար էին քվեարկում:
– Հիմա ի՞նչ եք առաջարկում:
– Մենք առաջարկեցինք չեղյալ հայտարարել օրենքը. կարող են պարզապես երկու երրորդով չեղյալ հայտարարել: Մեր վերլուծությամբ՝ այդ օրենքը նաեւ Սահմանադրությանն է հակասում. կնշանակի, որ պատգամավորները, ովքեր հասկացան, թե ինչի մասին է խոսքը, իրավունք ունեն 27 ստորագրությամբ դիմել ՍԴ: Կարող են «գենդեր» հասկացությունն ուղղակի հանել այս օրենքից, ու այդ դեպքում կմնա իսկապես կանանց եւ տղամարդկանց հավասարությունը: Բայց ամբողջ հարցն այն է, որ այս օրենքից հետո նախապատրաստվում է եւս մեկ օրենք` խտրականության դեմ: Նախագծի հեղինակը Մարդու իրավունքների պաշտպան Կարեն Անդրեասյանն է: Ընդամենը մի քանի տող մեջբերեմ նախագծից, ու բացատրեք, խնդրեմ, եթե նախագիծն ինչ-որ բան շտկելու նպատակ ունի, ինչո՞ւ են նման ամրագրումներ արված. «Որոշակի հատկանիշներով անձի կամ մի խումբ անձանց ենթադրյալ կամ իրական առանձնահատկությունները` կախված սեռից» եւ համանման այլ բաներ: Ի՞նչ է նշանակում «որոշակի հատկանիշներ ունեցող անձ»: Անձը, բնությամբ օժտված, կամ կին է, կամ տղամարդ: Պարզ գրեք` ովքե՞ր են այդ «որոշակի հատկանիշներ ունեցող անձերը»: Որտեղի՞ց այդ մարդկանց, ում չգիտես էլ, թե ինչպես կոչես, պաշտպանելու բուռն ցանկությունը, ինչո՞ւ չկա այդպիսի բուռն ցանկություն սովորական մարդու աշխատանք ունենալու, նորմալ վարձատրելու, ուսում ստանալու եւ այլ իրավունքները պաշտպանելու համար: Եթե այդքան կարող ուժ եք, ինչո՞ւ պետությանը չեք ստիպում ազգանվեր գործ անել: Ստացվում է, որ սա այդ գրանտածիծների համար կարեւոր բան է, քանի որ մեծ գումարներ են ստանում: Ավելին՝ նրանց արդեն պարտադրում են: Իրենց դոնորներին իրենք պետք է հաշվետվություն ներկայացնեն: Չի կարելի հինգերորդ շարասյուն ստեղծել երկրում: Իսկ նրանք, իսկապես, իրենց գործունեությամբ հինգերորդ շարասյուն են, քանի որ կամակատարն են օտար երկրներից ֆինանսավորվող կառույցների: Սա միայն այս օրենքի հետ չի կապված եւ սովորական երեւույթ չի: Ի շնորհիվ ակտիվ պայքարի՝ կառավարությունը պատրաստ է «գենդեր» բառը հանել, բայց դրանով հարցը չի լուծվում, օրենքն ամբողջովին պետք է մաքրվի այդ հասկացություններից ու չպետք է թույլ տալ, որ խտրականության մասին օրենքը մտնի խորհրդարան: Սրանց հիմքում դրված են մեր ընտանիքը քայքայելու եւ ազգային ինքնությունը վերացնելու խնդիրները: Բայց մեր ազգը հազարամյակներ գոյատեւել է հենց նրա հաշվին, որ ընտանիքն ամուր է եղել, որ հավատք է եղել. ուզում եք այդ ամենը վերացնե՞լ երեսուն արծաթով:
ԱԺ պատգամավորները երբ ստանան մեր դիմումները, շատ լուրջ պիտի մտածեն իրենց վարվելակերպի մասին, որովհետեւ դրանից հետո պիտի հասկանալի լինի, թե ով ով է: Այսինքն՝ ինքն արակա՞ն է, իգակա՞ն է, թե՞ դրա մեջտեղում անհասկանալի մի ձեւ է: Սա անբարոյական կեցվածք է՝ օրենքի տեսքով: Մենք դեմ չենք եվրոպական արժեքներին: Ես անձամբ դրանց կրողն եմ, որովհետեւ դաստիարակվել եմ այդ արժեքներով, բայց դա ուրիշ Եվրոպա էր: Այսօր Եվրոպան ինքն է կրակն ընկել իր որոշ ղեկավարների ձեռքը: Ֆրանսիայի նման ազգայնական երկիրը, որը երբեք իր ավանդույթները չի դավաճանել, հիմա ունի մի նախագահ, ով թքեց ամբողջ հասարակության կարծիքի վրա եւ մի խումբ մարդկանց համար ինչ-ինչ հարաբերություններ սահմանեց:
– Հայ Առաքելական եկեղեցու կեցվածքը ադեկվա՞տ է:
– Հայ Առաքելական եկեղեցու դիրքորոշումը բացարձակ հստակ է` ինչպես որ պետք է լիներ: Ամենայն հայոց կաթողիկոսն էլ իր ելույթում անդրադարձավ ազգային ավանդույթների եւ ինքնության պահպանման հարցերին: Հոգեւոր սպասավորները շատ ակտիվ նաեւ գործում են, եւ գոնե այս հարցում միանշանակ պետք է ողջունել այդ կեցվածքը:
Զրույցը` ՆԵԼԼԻ ԳՐԻԳՈՐՅԱՆԻ
«Առավոտ» օրաթերթ
Ես գտնում եմ ,որ «Կանանց եւ տղամարդկանց հավասար իրավունքների եւ հավասար հնարավորությունների ապահովման մասին» օրենքը ՃԻՇՏ ու ԱՐԴԱՐ օրենք է:Ամբողջ քաղաքակիրթ աշխարհը նմանատիպ օրենքներ ունի:
«Գենդեր» բառի վրա այս չափից ավելի ու հիստերիկ բևեռացումը արդարացնելու «արգումենտները» ինձ բացարձակ ՉԵՆ համոզում: Այս պարոնի էլ միակ փորացավն այն է,որ Հայաստանում սեռական փոքրամասնությունների անդամները հավասար իրավունքներ ՉՍՏԱՆԱՆ,թեև այս օրենքը նույնասեռականության հետ ոչ մի էական կապ չունի: Այո՝ right on gender identity is a basic human right. Սրա մեջ, ուրիշներին ուղղված, ՈՉ ՄԻ ՎՏԱՆԳ չկա:
Բայց այս մարդիկ ԵՐԲԵՔ հետևյալ ԿԱՐԵՎՈՐ հարցին ՉԵՆ պատասխանում. ԻՆՉՊԵ՞Ս է կոչվում մի երկիր,որն իր ոչ՛ մի օրենք չխախտող ու օրինական քաղաքացիների մի մասին նույն (սահմանադրական) իրավունքներ չի տալիս-ֆաշիստակա՞ն, ապարտհայդակա՞ն, բռնատիրակա՞ն,գուլագայի՞ն:
Իսկ ԻՆ՞Չ ԼՈՒԾՈՒՄ ես դու՛ առաջարկում. նույնասեռականներին քշել գուլագնե՞ր,որովհետև դուք այդ մադկանց դեմ ՖՈԲԻԱՅՈՎ եք ՏԱՌԱՊՈՒ՞Մ: Միգուցե ԴՈՒ՞Ք հոգեբանի դիմեք:
Հայ եկեղեցին սահմանադրորեն իրավունք ՉՈՒՆԻ միջամտել Հայաստանի ներքին քաղաքական կյանքին: Հայ եկեղեցին թող առաջինը ինքը ինքնամաքրվի, սրա ու նրա վրա մատ թափ տալուց առաջ:
Զարմանալի էի:Ինչո՞ւ Դուք դեմ կլինեք, եթե միասեռականներին լցնեն ապրանքատար գնացք և ուղարկեն Ձեր ասած Գուլակը: Մատաղ սերնդի ապագան դրանով փրկված կլինի:Եվ, ամենակարևորը, հեչ հումանիզմի տեղը չէ:
Հարգելի պարոն Վարազ, պետք չէ զարմանալ, պարոն Արամ Սարգսեանի առթիվ, քանզի ինքը Հայաստանի Համասեռականների Կուսակցության (վերջին) Առաջին քարտուղարն է եղել, միեվնույն կուսակցության, որի փառապանծ անդամներն էին մեր Հայրենիքի երկրորդ եվ ներկայիս Նախագահները…պարոն Սարգսյանը պարզապես փորձ է անում իր նախկին կուսակցության անդամների ուշադրությանը նորից արժանանալ, թերեվս Սերժիկի մուշտարին դառնալու հավակնություն ունի… Չեմ կասկածում որ Կոմայգու վաստակավոր հաճախորդներից է…
Եթե ՔՈ հորն ու մորը, եղբորն ու քրոջը կամ այլ հարազատ-բարեկամի լցնեն ապրանքատար գնացք և ուղարկեն Գուլակ, հաստատ դուրդ չէր գա: Նույնասեռականն էլ ինչ որ մեկի երեխան ու հարազատն է. իրենք երկնքից չեն իջել:
Մարդ արարածի ԱՐԺԵՔՆ ու ԱՐԺԱՆԱՊԱՏՎՈՒԹՅՈՒՆԸ շատ ավելին է,քան իր սեռն ու սեռականը:
Մատաղ սերնդի ապագայի ամենամեծ վտանգը ԱՐՏԱԳԱՂԹՆ է և (սոցիալական) անարդարությունը,որի պատճառը Հայաստանում քրեա-օլիգարխիան է: ԻՐԵՆՑ լցրու ապրանքատար գնացք և ուղարկիր Գուլակ,եթե ԴՈՒԽԴ ՊԱՏՈՒՄ է. այլ ոչ թե քավության նոխազներ փնտրիր ի դեմս նույնասեռականների:
https://ru.euronews.com/2013/09/28/gay-rights-activists-in-serbia-protest-government-ban-on-gay-march/
չեմ հասկանում, թե ինչպես՞ կարելի է ընդիմանալ իսկական եվրապական արժեքներին- որի հիմքերի հիմքը- դա գեյ պառադն է:
Սերբինա եթե արժանապատվություն ունի մեր պես, ապա կթքի եվրոյի վրա, իսկ եթե նաև բավականաչափ խելք ունենա, ապա կմիանա Մաքսային Միությանը
«Գեյ պառադը» դա ԲՈՂՈՔԻ ցույց է՝ հսկա դիսկրիմինացիայի դեմ. դա ԱՐԺԵՔՆԵՐԻ հետ որևէ կապ չունի:
Մաքսային միությունը նեո-սովետական քաղաքական ԾՈՒՂԱԿ է՝ Հայաստանին ինքնիշխանությունից զրկելու համար:
ՀԳ. Նայիր «քաջ ու խելացի» Սերբ ազգին. ՄԻԱՅՆ իրենց երկիրը կտրտեցին ու փոքրացրին:
Հարգելի Վասակ, մենք իհարկե էրկու հազար տարի առաջ ունեցել ենք ԹԱՏՐՈՆ, սակայն այսօր ունենք երկրի նախագահներ որ իշխանությունը մարկանց բռնաբարելով են ձեռքներին պահում, այսսօրվա նախագահի եղբորը նայիր, ավելի շուտ հիշեցնում է նախնադարյան պիկէնթանտրոպին քան թատրոնի սիրահար երվանցիներին մի երեսուն տարի առաջ: Մեր երկիրը իհարկե ավելի մոտ է Ավղանստանին քան Հռոմեական կայսրության ժառանգորդներին… թերեվս մեր ժողովրդի ոսկէ դարը Սուրբ Մեսրոպի ու Սահակի ժամանակներին էին, երբ նույնիսկ արվամոլ արքան «քարկոծման» չեր արժանացել քրիստոնյա այրերի կողմից… Իհարկե ես էլ «ասիացի» եմ եվ ինձ էլ թվում է որ լավ կլինի որ մարդիկ իրենց սեռական նախասիրությունները չցուցադրեն, բայց իհարկե դեմ եմ Հիթլերի ու Ստալինի մոտեցմաը մարդկանց Գուլագները ուղարկելուն, իրենց բնության կողմից պարգեված հոգեկան եվ ֆիզիկական առանձնահատկությունների պատճառով, առավել եվս սովորություն չունեմ հետաքրքրվել ուրիշների ննջարաններում տեղի ունեցող մանրամասնություններով…