Այսօր Երեւանի քաղաքապետարանում տեղի ունեցող տրանսպորտի սակագնի վերաբերյալ քննարկմանը մասնակցելուց րոպեներ առաջ «Իրազեկ եւ պաշտպանված սպառող. հասարակական կազմակերպության նախագահ Բաբկեն Պիպոյանն Aravot.am-ի հետ զրույցում եւ պատասխանելով մեր այն հարցին թե ի՞նչ փաստարկներ է ներկայացնելու նիստին, ասաց, որ նախ պետք է պարզել թե հանձնաժողովում ովքե՞ր են պատասխանատվություն ստանձնել ներկայացնելու այն անձանց, ովքեր պայքարում էին տրանսպորտի ուղեվարձի 100 դրամի համար, եւ արդյոք հասարակությունը լիազորել է նիստին մասնակից անձերին ներկայացնելու իրենց շահերը. «Ես ներկայացնելու եմ մեկ փաստարկ` հանձնաժողովը վերացնել եւ տեղափոխվել դեպի հանրային լսումների, որտեղ ընդգրկված կլինեն բոլոր շահագրգիռ կողմերը: Դա, այն է` ինչի մասին խոսեց վարչապետը 150 դրամ սակագինը կասեցնելուց առաջ եւ այն ինչի մասին հստակ նշված է քաղաքապետի որոշման մեջ»:
Նելլի ԲԱԲԱՅԱՆ
