«Ազատություն» ռադիոկայան. ՄԱԿ-ի փորձագետները հայտարարել են, որ 1950-ական թվականներից նկատվող գլոբալ ջերմացման պատճառը մարդու գործունեությունն է, իրենց պնդումներում նրանք վստահ են 95 տոկոսով:
Ստոկհոլմում Կլիմայի փոփոխության միջկառավարական փորձագիտական խումբը զեկույց է հրապարակել, որի համաձայն` երկրի, օվկիանոսի և մթնոլորտի ուսումնասիրությունները հաստատում են, որ գլոբալ ջերմացումը շարունակվում է:
Փորձագետների գնահատականներով` օդի և օվկիանոսի ջերմաստիճանն աճել է, ծովի միջին մակարդակը` բարձրացել, ձյան և սառցե ծածկույթի ծավալները կրճատվել են, ավելացել է նաև ջերմոցային գազերի կուտակումը:
Գիտնականները զգուշացնում են, որ ծովի մակարդակը մինչև դարի վերջը կարող է բարձրանալ 82 սանտիմետրով: Ըստ նրանց` կլիմայի հետագա տաքացումը անխուսափելի է:
Կարդացեք նաև
Տաթեւիկ Լազարյան
