Այսօր Մայր աթոռում կայացած ասուլիսում խոսելով Ավետարանական եկեղեցու մասին՝ Մայր աթոռի դիվանապետ Արշակ եպիսկոպոս Խաչատրյանն ասաց, որ Ավետարանական եկեղեցու մասին խոսելիս պետք է տարբերակել, թե կոնկրետ որ Ավետարանականի մասին է խոսքը: «Ավետարանականների նկատմամբ վերաբերմունքը Հայաստանի մեջ տարբեր է, հետանկախության շրջանում նրանց կողմից տենդենց է դրսեւորվել՝ Հայ առաքելական եկեղեցու հաշվին մեծացնել իրենց հավատացյալների բանակը: Այս մասին մեր վերաբերմունքը հստակ է»:
Aravot.am-ը հետաքրքրվեց՝ Եպիսկոպոսաց ժողովում անդրադարձ եղե՞լ է Երուսաղեմի պատրիարքի՝ «գարշապար լիզողների» մասին հայտնի նամակին: «Եպիսկոպոսաց ժողովին դրան որեւէ անդրադարձ չի եղել, որովհետեւ եկեղեցու ներքին կյանքին նվիրված ընթացիկ քննարկումների ժամանակ ենք անդրադարձել: Ամենայն հայոց կաթողիկոսը Նուրհան արքեպիսկոպոսին հրավեր ուղարկել էր, ինքը ինչ-ինչ խնդիրների պատճառով չի կարողացել գալ»,-պատասխանեց Արշակ սրբազանը:
Գոհար ՀԱԿՈԲՅԱՆ
