«Մենք բավարար մակարդակով ռեսուրսներ ունենք` հակադարձելու Ադրբեջանին, բայց ցավոք այն չենք օգտագործում: Հայաստանը դեռ չի կորցրել հնարավորությունը` Սաֆարովի արտահանձնումը որպես ելակետ օգտագործելու համար հակամարտության գործում: Բայց ցավոք մենք այդ հնարավորությունն էլ չենք օգտագործում»,- այսօր «Տեսակետ» ակումբում նման կարծիք հայտնեց քաղաքագետ Հրանտ Մելիք-Շահնազարյանը:
Հրանտ Մելիք-Շահնազարյանի խոսքով`վերջին չորս-հինգ տարիների շրջանում Ադրբեջանի բնիկ ժողովուրդները սկսեցին այնտեղ ազգային հարցեր բարձրացնել: Եվ եթե մինչ այսօր ադրբեջանցիները պնդում էին, թե այնտեղ ազգային խնդիր չկա, այդպես չէ, Ադրբեջանում օրինակ թալիշական լուրջ խնդիր կա: Մասնավորապես` թալիշական ազգային շարժումը շատ ակտիվ է:
«Ադրբեջանի դեմ պայքարի մեր ռեսուրսներից խոսելով ասեմ, որ Ադրբեջանի բնիկ ժողովուրդների գործոնը հեռանկարային է»,- նշեց Հրանտ Մելիք-Շահնազարյանը:
Պատերազմի հավանականության մասին խոսելիս էլ` Հրանտ Մելիք-Շահնազարյանը շեշտեց`«Վտանգը մշտապես առկա է, եւ ամենամեծ հավանականությունը` դա պատահական սկսվող պատերազմն է, քանի որ ցանկացած միջադեպ կարող է բերել այդ վտանգին»:
Կարդացեք նաև
Եվա ՀԱԿՈԲՅԱՆ
