«Մենք մեզ հանդո՞ւգն ենք պահել, իսկ ինչո՞ւ են մեզանից պահանջում փաստաթուղթ: Ես որտե՞ղ եմ գտնվում, որ դուք ինձանից փաստաթուղթ եք պահանջում: Իսկ որ ասում են, որ մենք պետք է օգնենք, որ իրենք հայտնաբերեին հանցագործներին, դա ո՞ր քրեական գործի շրջանակներում կամ ես ի՞նչ պարտականություններ ունեմ հանցագործ հայտնաբերել»,- Aravot.am-ի հետ զրույցում «Ժառանգության» պատգամավոր Զարուհի Փոստանջյանն այսպես մեկնաբանեց ռուս սահմանապահների պարզաբանումները՝ երեկվա միջադեպի հետ կապված:
ՌԴ Անվտանգության դաշնային ծառայության ՀՀ-ում Սահմանապահ վարչությունն «Արմենպրեսին» ասել է, որ Զարուհի Փոստանջյանի փաստաթղթերի ստուգման ընթացքում վերջինս ներկայացրել է պատգամավորի վկայականը եւ կոպիտ կերպով բացատրություններ է պահանջել, իրեն հանդուգն է պահել, փորձել են սադրել հակաիրավական գործողություններ:
Զարուհի Փոստանջյանի խոսքերով՝ «Ասում են՝ իբր մենք սահմանի վրա էինք, բայց Լիճք գյուղը ո՞ր սահմանն է: Իրենք այնպիսի բաներ են անում, որ իրենք իրենց խայտառակել են: Հիմա դա հանդուգն է, ոչ հանդուգն է, եթե ես ինձ հանդուգն եմ պահել, ինչ-որ մի օրենք եմ խախտել, իրենք պետք է գնային եւ հաղորդում տային հանցագործության մասին: Բայց այդ դեպքում հասկանանք, թե ինչու էին եկել մեզանից դեպքից հետո ներողություն խնդրում»:
Ռուս սահմանապահները հերքել են նաեւ, որ իրենք կոտրել են այն տեսախցիկը, որով փորձել է նկարահանում անել Սյունիքի թիվ 38 ընտրատարածքում պատգամավորի թեկնածու Սամվել Հայրապետյանի մամուլի խոսնակ Դավիթ Հակոբյանը:
Կարդացեք նաև
Զարուհի Փոստանջյանը տեղեկացրեց, որ քիչ առաջ ոստիկանները զննել են այն տեսախցիկը, որը կոտրած է եղել ՌԴ ФСБ-ի համազգեստով աշխատակիցներից մեկը:
Հռիփսիմե ՋԵԲԵՋՅԱՆ
Դուք ըլնեք ու Զարուհուն կանգնեցնե՞ք, ինչ հանդգնություն… Կարծում եմ Հայաստանում գիտեն, թե Զարուհին ինչպես է իր օրվա հացը վաստակում, զարմանալու ոչինչ չկա: Միակ տարբերությունը նա է, որ ռուց սահմանապահը պարտավոր չէ իրեն հայ ոստիկանի նման պահել:Նրանք ավելի անկաշկանդ են ու ականջ ծակող ձայներից նյարդայնանում են:
Ով էլ իր տերության գաղութում գտնվի՝ անկաշկանդ կլինի.., բա ոնց:
ով խոսա խայտառակելուց: մի հատ կաշառակեր ախպորիցդ խոսա, այ Զարուհի…
:))
սովորական ջուր պղտորողներ են.
այսինքն սկի ջուր պղտորող էլ չեն, կեղտ խառնող են իրենց ամերիկայից ստացած “ժառանգությով”:
մեկը ասի, թե սրանք ինչի՞ հաշվիւն են ապրում ու հլա մի հատ էլ ֆռֆռում սաղ Հայստանով մեկ
կարևորը այն չէ, դա Զարուհին էր, թե մեկ ուրիշը, էականը այն է, որ որևէ օտարազգի, այն էլ իմպերիալիստ ռուսը մեր երկրում, Նժդեհի հայրենիքում, իրավունք չպետք է ունենա հայ մարդուն, հայ կնոջը կոպտել, վիրավորել ու բռնության ենթարկել, սիրելի հայեր, եկենք լինենք թասիբով, Զարուհին ի վերջո հայ է ու կին