Մահացել է հայ անվանի դերասան, ՀՀ ժողովրդական արտիստ, պետական մրցանակի եռակի դափնեկիր, Մեսրոպ Մաշտոց շքանշանակիր Սոս Սարգսյանը:
Սոս Սարգսյանը ծնվել է 1929 թվականի հոկտեմբերի 24-ին Ստեփանավան քաղաքում։ 1948 թ. տեղափոխվել է Երևան և աշխատել Երևանի պատանի հանդիսատեսի թատրոնում` որպես դերասան։
1954 թ. ավարտել է Երևանի գեղարվեստաթատերական ինստիտուտի դերասանական ֆակուլտետը։
1954-1991թթ. եղել է Երևանի Գաբրիել Սունդուկյանի անվան ակադեմիական թատրոնի դերասան։
Կարդացեք նաև
1991 թ. հիմնադրել է Համազգային թատրոնը։
1997-2006 թթ. Երևանի թատրոնի և կինոյի պետական ինստիտուտի ռեկտորն է, 2006-ից` ինստիտուտի կառավարման խորհրդի նախագահը։
2009 թ. ընտրվել է ՀՀ Հանրային խորհրդի անդամ։
Նկարահանվել է քառասունից ավելի գեղարվեստական ֆիլմերում, ինչպիսիք են` «Նվագախմբի տղաները»‚ «Եռանկյունի»‚ «Մենք ենք, մեր սարերը», «Նահապետ»‚ «Խաթաբալա», «Ձորի Միրո», «Սոլյարիս», Հայաստանում և ԽՍՀՄ մյուս տարածքում նկարահանված բազմաթիվ այլ ֆիլմերում։
ՀՀ մշակույթի նախարարությունը հայտնում է, որ Սոս Սարգսյանի մահվան կապակցությամբ ՀՀ վարչապետի գլխավորությամբ կստեղծվի թաղման կառավարական հանձնաժողով:
մեծերից մեկն էլ գնաց…
Մեծատառով մարդկանցից մեկն էլ գնաց … աստված իր հետ: Փոքրատառերովը էլի շատացան:
Շատ եմ ցավում…
Հայ թատրոնի լեգենդ` Աստված հոգիդ լուսավորի…
Ցավում եմ, մեծ կորուստ է շատ:
Խորապես ցավում եմ մեզ բոլորիս համար: Այս կարգի մասնագետ և մեծ մարդ ժամանակակից հայ թատրոնում երևի էլ չգտնենք:
Աստված հոգին լուսավորի:
Հայկական կինոյում ու թատրոնում Սոս Սարգսյանի բացակայությունը պատկերացնելը շատ տխրեցնող է, իսկ նրա ձայնի և առոգանության կարոտը դեռ երկար կզգանք: Նրա բոլոր դերակատարումներն, առանց բացառության, ինքնատիպ էին ու հոգեհույզ:
Նա իսկական մտավորական էր և երկրի համար սրտացավ քաղաքացի: Նա մեզ անընդհատ մեր երկրին, մեր լեզվին տեր կանգմելու կոչ էր անում: Նա բոլորիս հարազատն էր:
Գնացիր ու մեզ մենակ թողեցիր էլի… այտա…