«Տոնը ուղղակիորեն տոն չի, եթե չկա որոշակի պատմություն: Կարծում եմ, որ նախագահն այդ օրը պետք է կանչեր այն մարկանց, ովքեր այդ տարի աչքի էին ընկել: Մենք մինչև այսօր չունենք Հայաստանի քաղաքական պատմություն, բայց ունենք Հայոց պատմություն եւ ստացվում է, որ քաղաքական վերլուծություն չկա»,- այսօր այս մասին «Իրատես de facto» ակումբում` անդրադառնալով համապետական տոների անցկացմանն, ասաց մշակութաբան Ռուբեն Անգալադյանը։
Բանախոսի խոսքով` Կոմիտաս կկատարվի, թե Նունե Եսայան, կախված է մեզանից, թե տվյալ հասարակությունը ինչպիսի մշակույթ ունի եւ ինչպես է դրան վերաբերում: «Նունե Եսայանը չունի այն մակարդակը, որ ներկայացնի»,-ասաց բանախոսը, միաժամանակ նշելով, որ դժգոհ չէ, պարզապես չի ընդունում:
Ըստ նրա`ժողովրդի ներգրավվածությունը պետք է մեծ լինի նման տոների անցկացման գործում. «Մենք պետք է հասկանանք, որ սա մեր երկիրն է եւ ոչ թե վերևից պետք է իջնի, այլ ներքեւից բարձրանա, ժողովուրդը մասնակցի»,-ընդգծեց Անգալադյանը` ցավով նշելով, որ արտագաղթի ճամփան բռնած մարդը չի կարող տանը նստած հանգստանալ, երբ ամբողջ օրը մտածում է, թե ինչպես կարող է հեռանալ Հայաստանից: «Մենք պետք է ուղղենք մեր երկիրը: Ես տեսնում եմ մի մեծ խնդիր, երբ ասում են մտավորականները, հայրենասերները, թե վերադառնանք ակունքներին, սա վտանգավոր է, կարող ենք վերադառնալ մինչև տասնհինգ թիվ»:
Մշակութաբանի տեսանկյունից՝ այն ինչ կատարվում է երկրի ներսում, եւս մեկ անգամ աշխարհին ծիծաղել ենք տալիս մեզ վրա. «Թատրոնը, որ մենք խաղում ենք մեր բանկայի մեջ, դրսի աչքում ծիծաղելի է»:
Կարդացեք նաև
Անգալադյանն այդ օրը կցանկանար լսել տարբեր երգիչ-երգչուհիների կատարումներ հայ անվանի երաժիշտների ստեղծագործություններից, ազգային երգ ու պար, պարային անսամբլեաներ եւ ամենակարեւորը՝ որին մասնակցություն կունենար ժողովուրդը:
Քրիստինա ՄԻՐԶՈՅԱՆ
Այդ օրը, քաղաքակիրթ երկրների օրինակով, կարելի էր, նաև, մեր աշխարհահռչակ և անվանի մեներգիչների, երգչախմբերի, նվագախմբերի միասնական մասնակցությամբ, կատարել մի մեծակտավ օրատորիա` մեր ազգի հերոսական պատմական թեմայով… Հարգանքով` Ա. Բաբայան