Գնաճը Հայաստանում ընդհուպ մոտեցել է 10 տոկոսին։ Պարենային ապրանքների դեպքում այն արդեն բնութագրվում է նույնիսկ երկնիշ ցուցանիշով եւ խորանալու միտում ունի։ Չնայած դրան, Կենտրոնական բանկը լավատես է եւ կարծում է, որ «մոտակա ամիսներին գնաճը նվազելու է՝ մոտենալով կանխատեսվող հետագծին»։
Կենտրոնական բանկի նման լավատեսության համար հիմք է ծառայել արտաքին եւ ներքին միջավայրում ձեւավորված բարենպաստ իրավիճակը։ Չնայած գնաճի մեղմացման համար ստեղծված դրական միջավայրը այնքան էլ տնտեսության օգտին չէ։ Նվազել են ոչ միայն արտաքին գնաճային ճնշումները, այլեւ թուլացել է ներքին տնտեսական ակտիվությունը՝ բարենպաստ պայմաններ ստեղծելով թանկացումների մեղմացման համար։
Ինչպես հայտնի է, արդեն տեւական ժամանակ Հայաստանում նկատվում է տնտեսական ակտիվության նվազում։ Վիճակագրական ծառայության վերջին հրապարակման համաձայն, այն կազմում է ընդամենը 3,8 տոկոս։
Սա տնտեսության ու սոցիալական վիճակի առումով լավ ցուցանիշ չէ, սակայն գնաճի վրա ունենում է միանգամայն դրական ազդեցություն։ Որքան տնտեսության մեջ ձեւավորվող արդյունքը դանդաղ է ավելանում, այնքան փոքր է նաեւ հասարակության եկամուտների աճը։ Մի բան, ինչը բնականաբար ազդում է սպառման վրա։ Կրճատվում է վճարունակ պահանջարկը՝ հանգեցնելով թանկացումների տեմպի նվազման։
Հոդվածն ամբողջությամբ կարող եք կարդալ «Հայոց աշխարհ» թերթի այսօրվա համարում
Կարդացեք նաև
