«Եթե օտարերկրացիները ձեռք են բերում անշարժ գույք նրանց կարճ ժամանակում կտրվի կեցության վկայական»,-այսօր կառավարության նիստում ասաց ՀՀ վարչապետ Տիգրան Սարգսյանը:
Կառավարությունը 2014 թվականից սկսած, հիպոթեքով բնակարան ձեռք բերել ցանկացող պետական ծառայողների փոխարեն, բնակարանի գումարի 30 տոկոսի չափով երաշխիք կտրամադրի բանկերին,, որպեսզի բանկերը նրանց չմերժեն հիպոթեք տալ: Վարչապետը կառավարության աշխատակազմի ղեկավար Վաչե Գաբրիելյանին հանձնարարեց ցուցակագրել բոլոր այն պետական ծառայողներին, որոնք կառավարության առաջարկած պայմաններով կցանկանան մատչելի բնակարան ձեռք բերել:
Երեւանի քաղաքապետարանի պատասխանատուներին էլ Տիգրան Սարգսյանը հորդորեց մայրաքաղաքում հարմար տարածքներ առաջարկել, որպեսզի տրամադրեն կառուցապատողներին:
Վարչապետը կառուցապատողներին առաջարկելու է շենքերը կառուցել նոր տեխնոլոգիաներով, էկոնոմ կարգի, որպեսզի ոչ այնքան բարձր եկամուտներ ունեցող քաղաքացիներին այդ բնակարանները նույնպես հասանելի լինեն:
Կարդացեք նաև
Լուսինե ԲՈՒԴԱՂՅԱՆ
