Կհաջողվի՞ արդյոք Սերժ Սարգսյանին հիմնավոր բացատրություններ տալ եվրոպացի պատգամավորներին, թե ինչպես ստացվեց, որ 4 տարվա ջանքերը եվրաընտանիք ինտեգրվելու մասով մեկ օրում ջուրը գցվեցին, եւ սեպտեմբերի 3-ին ՀՀ ղեկավարը Մոսկվայում հայտարարեց ՄՄ-ին անդամակցելու մասին, երեկ հարցրինք ԵԽԽՎ պատվիրակության ղեկավար Դավիթ Հարությունյանին։ «Հայաստանի Հանրապետությունը հանդիսանում է Եվրոպայի խորհրդի անդամ, ինչպես նաեւ Ռուսաստանն է հանդիսանում նույն խորհրդի անդամ, եւ երբ մենք խոսում ենք եվրոպական արժեքների մասին, առաջին հերթին նկատի ունենք այն արժեքները, որոնք դավանում է ԵԽ-ն, եւ այդ կազմակերպության հետ մենք որեւէ խնդիր չունենք»,- պատասխանեց նա:
Այդուհանդերձ, չի բացառվում, որ կգտնվեն եվրոպացի պատգամավորներ, որոնք կփորձեն հասկանալ կատարվածը, մասնավորապես հետաքրքրվելով, թե ինչու տարիներ շարունակ ջանքեր գործադրվեցին եվրոպական ուղղությամբ, բայց որոշումը կայացվեց հօգուտ Ռուսաստանի։ «Ես չեմ բացառում, որ ցանկացած հարց կարող է հնչել, պարզապես Ձեր հարցի ձեւակերպումն անտրամաբանական է, եւ, ըստ իս, նման անտրամաբանական հարցեր չեմ կարծում, որ կհնչեն»,- ասաց ՀՀԿ-ականը:
Լուսինե ՇԱՀՎԵՐԴՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
