Հյուսիս-հարավ ճանապարհը կառուցելու համար Արագածոտնի մարզի Թալին համայնքում, որտեղով անցնելու է ավտոճանապարհը, մի շարք տարածքներ ճանաչվել են բացառիկ` գերակա հանրային շահ: Այս մասին վաղը կառավարության նիստին վարչապետին կհայտնի տրանսպորտի եւ կապի նախարար Գագիկ Բեգլարյանը:
Ինչպես տեղեկանում ենք նիստի օրակարգից, նախարար Բեգլարյանը տարածքների իրացումը պատճառաբանել է հանրային շահի գերակայությամբ. «Նշված ծրագրերի իրականացման շահը գերակայում է oտարվող սեփականության սեփականատերերի շահերին, քանի որ ծրագրերի իրականացման արդյունքում կստեղծվեն արդյունավետ ենթատարածաշրջանային տարանցիկ ճանապարհներ, կմեծանան առեւտրի շրջանառությունն ու մրցակցությունը, կնվազեն փոխադրումների ծախսերը, կմեծանա շուկաների, աշխատատեղերի եւ սոցիալական ծառայությունների հասանելիությունը, կզարգացվի ենթատարածաշրջանային եւ պետական տրանսպորտային ցանցը»:
Ծրագիրն իրականացվում է Ասիական զարգացման բանկի ֆինանսավորմամբ: Ծրագրի պատասխանատուները վստահեցնում են, որ տարածքների իրացումը վնաս չի պատճառի նշված տարածքների սեփականատերերին:
Կարդացեք նաև
Լուսինե ԲՈՒԴԱՂՅԱՆ
