Այս ցուցանակը փակցված է Տավուշի մարզպետարանի շենքի պատին: Մարզպետարանի շենքի հասցեն է՝ Սահմանադրության 1: Այդ շենքը երկու փողոցների հատման վայրում է: Նախկինում Իջեւան քաղաքի կենտրոնական փողոցներից մեկը կրել է Իջեւանի տարածաշրջանից հայտնի հեղափոխական Ենոք Մկրտումյանի անունը, հետո վերանվանվել՝ Անկախության: Ինչպես խորհրդային պաշտոնյաներից շատերը իրենց էությունը չփոխեցին, ցուցադրաբար անկախական դարձան, Տավուշի մարզպետարանի պատի ցուցանակն էլ չփոխվեց, հին գրառման վրա գրվեց նոր անվանումը՝ Անկախության: Հիմա նույն,մաշված ցուցանակին բոցաշունչ բոլշեւիկի եւ Անկախության անվանումներն են:
Զարմանալի է , որ Տավուշի մարզպետարանի շուրջ 120 աշխատողները չեն տեսել ցուցանակի նման վիճակը: Մարզպետ Արմեն Ղուլարյանը մարզի բնակիչներին շնորհավորելով Հայաստանի անկախության 22-րդ տարեդարձի առթիվ, գրել է․ «… հայ ժողովուրդը հանրաքվեով հաստատեց դարերով երազած բաղձալի Անկախությունը եւ այդ օրը դարձրեց համայն հայության տոնը: Պատմության համար 22 տարին, թերեւս, կարճ ժամանակահատված է, սակայն այդ ժամանակաընթացքում մեծացել է մի սերունդ, որ արդեն անկախ երկրի ծնունդ է եւ չգիտի, թե ինչ բան է ոչ անկախ լինելը»:
Ոսկան ՍԱՐԳՍՅԱՆ
Ահա սա՛ է կեղծ անկախությունը, նեոբոլշևիկներն այսպես արժեզրկեցին անկախության գաղափարը: «Գողգոթայի» ծրագրի ամբողջ էությունը սրանումն էր, ասպարեզ նետված տականքը հենց սրան էր ուզում հասնել, որպեսզի սերունդները ատեին անկախությունը ու վերադառնային «կուշտ» ստրկության…
Ցավոք, մեզ համար ավելի ընդունելի և հարազատ է «Որտեղ հաց, այնտեղ կաց» բոշայական կենսակերպի հիմնարար սկզբունքը, քան Անկախությունը` որպես գաղափար և արժեք: Փաստը այնքան խոսուն է, որ բառերն ավելորդ են: