Վաղը ՀՀ կառավարությունը Կոտայքի մարզում գործող «Դարմանթեստ Լաբորատորիս» ընկերությանը կթույլատրի թմրամիջոցներ եւ հոգեմետ նյութեր ներմուծել մեր երկիր: Այս մասին տեղեկանում ենք կառավարության նիստի վաղվա օրակարգից: Ընկերությանը տրվել է ներմուծման գործունեության իրականացման լիցենզիա` երեք տարի ժամկետով:
Համաձայն համացանցում առկա տեղեկատվության, «Դարմանթեստ Լաբորատորիս»-ը կենսահամարժեքության եւ դեղակինետիկայի գծով բացառիկ լաբորատորիա է ինչպես Հայաստանում, այնպես էլ ԱՊՀ տարածաշրջանում:
Ընկերության պատասխանատուները վստահեցնում են, որ լաբորատորիան հագեցած է ժամանակակից անալիտիկ սարքավորումներով, համակարգիչների ու պահեստային պատճենման բարդ համակարգերով, որոնք թույլ են տալիս իրականացնել փորձաքննություններ` համապատասխան միջազգային պահանջների։
Լուսինե ԲՈՒԴԱՂՅԱՆ
