«Շինարարությունը, որը հիմնական ցուցանիշն է մեր տնտեսության աճի, ակնկալիքները չեն իրականանում, արտահանման եւ ներմուծման ասպարեզներում ոչ ցանկալի միտումներ կան. Հետադարձ միտումները, երբ որոշակի հուսադրող միտումներ արձանագրեցին արտահանման աճի տեմպերի ներմուծման աճի տեմպերի հանդեպ, նույն միտումը չենք կարող արձանագրել գյուղատնտեսության ասպարեզում, չնայած ջանքերին, բավական լուրջ խնդիրներ են մնում»,-այսօր «Նոյյան Տապան» մամուլի ակումբում նման կարծիք հայտնեց տնտեսագետ Թաթուլ Մանասերյանը:
Նրա դիտարկմամբ` կառավարությունը ներկայացնում է բերքի մեծ ծավալները, որոնք սակայն չի կարելի համարել ագրարային պետական քաղաքականության մեծ ձեռքբերում, այլ բնակլիմայական էին, առանձին տեղերում` կորուստներ են եղել. «Միրգը, որ ստացվել է, ծիրանի մասով իրացման լուրջ խնդիրներ ունեցանք, մի բան է բերք ստանալ, այլ բան է իրացնել: Քիչ չեն դեպքերը, երբ գյուղացիները լուրջ խնդիրներ են ունեցել արտահանման բնագավառում. գյուղնախարարության գործառույթն է օգնել, տեղեկատվության այս պարզագույն խնդիրների չլուծման պատճառով ծիրանը փչացել է եւ դեն է նետվել: Գյուղացիները ստիպված են եղել սպասել մաքսատանը, կամ հետ բերել Արարատյան դաշտ»:
Վերլուծելով Հայաստանի տնտեսությունը պարոն Մանասերյանն ասաց, որ գերհագեցած է անշարժ գույքի շուկան. «Գները պարադոքսալ վիճակում բարձր են, եւ կարող են միանգամից անկում ապրել: Նման դեպքերում շուկան պետք է արձագանքի պահանջարկին, որը մեզանում տեղի չի ունենում: Ստվերի կրճատմամբ պետք է մտահոգվել»:
Նելլի ԲԱԲԱՅԱՆ
