«Մենք ճակատագրական վիճակում ենք եւ ամեն մի նոր փուլից հետո մեր վիճակն ավելի է վատանում: Եվ եթե այսպես շարունակվի, այս արտագաղթի տեմպերով, տնտեսական ծանր վիճակով եւ այլն, մենք մեծ խնդիրներ ենք ունենալու, որովհետեւ եթե չկա քաղաքացին երկրում, ապա ո՞ւմ համար է անվտանգությունը»,- այսօր «Զարկերակ» ակումբում նման տեսակետ հայտնեց
«Ժառանգություն» կուսակցության փոխնախագահ Արմեն Մարտիրոսյանը՝ հավելելով, որ «Ժառանգությունը» միշտ աջակցել է բոլորին, սակայն դա չի արդարացնում իրենց, որ չեն կարողանում մի սեղանի շուրջ հավաքել բոլորին:
«Այսօր ցավոք ակտիվ պայքարողները քիչ են, իսկ դրա պատճառը հնարավոր է արտագաղթն է, կամ մարդիկ հոգնել են, իսկ մենք մեր վրայից պատասխանատվությունը չենք գցում»,- նշեց Արմեն Մարտիրոսյանը, շեշտելով, որ ընդդիմության թերությունները չի կարող հավասարեցնել իշխանության մեղքերի հետ, քանի որ` «Ընդդիմությանը միայն թերություններ են, իսկ իշխանությանը` մեղքեր: Իշխանության մեջ այլեւս բարեփոխումներ հնարավոր չէ անել, ուստի ինչ էլ անենք, դա լինելու է հեղափոխություն»:
Եվա ՀԱԿՈԲՅԱՆ
