1in.am. Երևանում, կարծես թե, վեր է հառնում քաղաքային տրանսպորտի թանկացման ուրվականը, որին մի անգամ արդեն քաղաքացիական պայքարի շնորհիվ հաջողվել էր հետ մղել իր «բունը»: Եվ ահա, վիշապը կամաց-կամաց կրկին փորձում է դուրս գալ, ինչը միանգամայն սպասելի կարելի էր համարել` նկատի ունենալով Հայաստանի իշխանությունների բնույթն ու գծատերերի ախորժակը:
Ամենայն հավանականությամբ, Երևանի իշխանությունները փորձում են հող նախապատրաստել երկու ճանապարհով՝ կոսմետիկ փոփոխություններ անել տրանսպորտի որակի հարցում և այսպիսով փորձել հիմնավորում ներկայացնել, որ իբր կատարվել են լրացուցիչ ծախսեր, ինչպես նաև նախնական խոսակցությունների միջոցով հետախուզել հասարակական միջավայրն ու հասկանալ դիմադրության հնարավոր պոտենցիալը:
Այն, որ պոտենցիալը շարունակում է մեծ լինել, երևանյան իշխանությունները թող չկասկածեն, և լավ կլինի, որ Տարոն Մարգարյանը իզուր տեղը գծատերերի փոխարեն ձեռքը չմտցնի մեղվի փեթակը՝ թեև մի գծատեր էլ ինքն է և դա անում է նաև իր փոխարեն: Հասարակությունը միանգամայն պատրաստ է երկրորդ անգամ էլ պաշտպանել իր իրավունքները և թույլ չտալ, որ մի խումբ մարդկանց ախորժակի զոհը դարձնեն իրենց:
Մուսա Միքայելյան
Լուսանկարը՝ Photolure-ի
Կարդացեք նաև
Նյութն ամբողջությամբ՝ սկզբնաղբյուր կայքում
