1991թ․ սեպտեմբերի 21-ին խորհրդարանի որոշմամբ Հայաստանում անցկացվեց հանրաքվե, որի արդյունքում Հայաստանի բնակչության մեծամասնությունը՝ 94.3%-ը կողմ քվեարկեց ԽՍՀՄ կազմից դուրս գալուն և անկախանալուն: Այդպիսով՝ 1991թ․ սեպտեմբերի 23-ին Հայաստանը հռչակվեց անկախ պետություն:
Անկախության օրվան ընդառաջ Երևանի փողոցներում արված հարցման միջոցով փորձեցինք ճշտել, եթե հանրաքվեն անցկացվեր այսօր՝ հանրաքվեից 22 տարի անց, այս անգամ Հայաստանի բնակչությունը ինչպե՞ս կքվեարկեր:
Հարցված երիտասարդները հիմնականում կողմ էին անկախությանը և իրենց դիրքորոշումը բացատրում էին «դե լավ բան է, էլի» արտահայտությունով:
Ավելի հասուն տարիքի քաղաքացիները կարծում էին, որ չնայած անկախությունը լավ բան է, բայց նրան պետք է կարողանալ օգտագործել. «Անկախ Հայաստան ունենալուն բոլորն էլ կողմ են: Թղթի վրա շատ լավ բաներ կան գրված, բայց ինչի՞ առաջ ենք հիմա մենք կանգնած»:
Կարդացեք նաև
Քաղաքացիների մի մասն էլ դեռ չէր կողմնորոշվել.«Ճիշտն ասած չգիտեմ, անկախությունը լավ բան է, բայց կոնկրետ Հայաստանի համար չեմ կարող ասել բարիք է, թե չարիք»:
Ամի ՉԻՉԱԿՅԱՆ
