Նախորդ հրապարակումներից մեկում անդրադարձել ենք, թե ինչ չգիտեն տղաներն աղջիկների մասին, որ կուզենային իմանալ, այժմ խոսում ենք ճիշտ հակառակ երևույթի մասին:
-
Ինչու՞ են տղամարդիկ ժամադրության հասնում ավելի շուտ, քան նշանակված ժամը:
-
Արդյո՞ք տղամարդիկ չեն հոգնում աչքները տասն անելուց, երբ քայլում են իրենց ընկերուհիների հետ, որ հանկարծ նրանց ոչ մի տղա չնայի:
-
Շատ տղամարդիկ իրենց ընկերուհիներին դիմում են դեբիլիկ, հիմարիկ անուններով: Ո՞րն է իմաստը:
Կարդացեք նաև
-
Ինչու՞ են տղամարդիկ առաջին հանդիպումների ժամանակ գնում ամենաթանկ ծխախոտը, որ երբևէ գնել են իրենց կյանքում: Իսկ հաճախ իրենց ընկերներից փոխառնում են ժամացույց, շղթա, հեռախոս կամ որևէ այլ բան:
-
Ինչու՞ են տղամարդիկ բողոքում, թե կանայք ժամերով հարդարվում են, եթե նրանք կրկնակի ժամանակ են անցկացնում սափրվելու, հագնվելու, մազերը հարդարելու օծանելիք ցանելու, կոշիկները փայլեցնելու հարցում:
-
Ինչու՞ են տղամարդիկ իրենց ավտոմեքենան սիրում այնպես, ինչպես իրենց կանանց:
Այսպիսի հարցեր հնչեցրին աղջիկների մեծամասնությունը «Առավոտ երիտասարդականն» անցկացրած «ուսումնասիրության» արդյունքում:
Եղան նաև այլ հարցեր: «Կուզեի իմանալ՝ դժվա՞ր չէ տղամարդու համար քյառթու աղջկա հետ ընկերություն անելը»,-հարցնում է Հռիփսիմեն: Իսկ 18-ամյա Էլլան զարմանում է ՝ ինչպե՞ս են տղամարդիկ կարողանում ստել իրենց կանանց «լեվի» գնալիս. «Հաճախ նրանց դավաճանության մասին կանայք իմանում են տարիներ անց, իսկ սովորաբար չեն են էլ իմանում: Տղամարդիկ կատարյալ դերասաններ են, արդյո՞ք նրանց խիղճը չի տանջում նման քայլի գնալիս, կամ արդյո՞ք չեն վախենում, որ իրենց արարքը կբացահայտվի»,- հարցնում է նա:
Ռուսական ժամանցային կայքերից Интересные-факты.com-ը և Lostfact.com-ը տալիս են կանանց հարցերի որոշ պատասխանները: Интересные-факты.com-ը գրում է. «Տղամարդիկ կնոջն հանդիպելիս նախ նայում են նրա դեմքին, հետո կրծքերին, ապա ոտքերին: Գեղեցիկ ավտոմեքենան տղամարդկանց հուզում է այնպես, ինչպես մերկ կինը»:
Ռուսական ժամանցային կայքերից Интересные-факты.com-ը և Lostfact.com-ը տալիս են կանանց հարցերի որոշ պատասխանները: Интересные-факты.com-ը գրում է. https://интересные-факты.com «Տղամարդիկ կնոջն հանդիպելիս նախ նայում են նրա դեմքին, հետո կրծքերին, ապա ոտքերին: Գեղեցիկ ավտոմեքենան տղամարդկանց հուզում է այնպես, ինչպես մերկ կինը»:
Իսկ Lostfact.com-ը հաղորդում է. «Տղամարդիկ ովքեր ավելի շատ են կարևորում իրենց արտաքին տեսքը, անկայուն են սիրային հարաբերություններում: Տղամարդկանց 30 տոկոսը պատրաստ է ստել սիրելիին, միայն թե նրան ցավ չպատճառի»:
Նազենի Բաղդասարյան
