«Անկախության տարիների ամենամեծ արժեքը, որ ձեռք է բերել Հայաստանը, հայոց ազգային բանակի ստեղծումն էր, որը մեր անվտանգության երաշխիքն է»,-այսօր այս մասին «Հայացք» մամուլի ակումբում անդրադառնալով անկախության 22 ամյակին՝ ասաց պատմական գիտությունների դոկտոր, պրոֆեսոր, ԵՊՀ պատմության ֆակուլտետի դեկան Էդիկ Մինասյանը` հավելելով, որ այս ընթացքում ունենալով որոշակի ձեռքբերումներ, կապված՝ խոսքի ազատության, ժողովրդավարության հետ, այնուամենայնիվ, առկա են մի շարք խնդիրներ, որը բնորոշ է յուրաքանչյուր երկրի: «Այսօր գոյություն ունեցող արտագաղթի երեւույթը, սոցիալական բեւեռացման հանգամանքը, ինչպես նաեւ աղքատության գործոնը, ազգային գաղափարախոսության բացակայության հանգամանքը, կոռուպցիան: Սրանք խնդիրներ են, որոնց հաղթահարման ուղղությամբ քայլեր արվում են, բայց այդ բնագավառների թերությունները դեռեւս ակնհայտ են»,-ասաց նա:
ԵՊՀ սփյուռքագիտության ամբիոնի վարիչ Արման Եղիազարյանն էլ, կարեւորելով օրվա խորհուրդը ասաց, որ ունենք պետականությունը, որը ամեն օր և ամեն ժամ զարգացման ճանապարհին է: «Պետականությունը ազգերին և ժողովուրդներին հենց այնպես չի տրվում և ազգերն ու պետությունները ստիպված են եւ պարտավոր են այն զարգացնելու»,-ասաց Եղիազարյանը` հավելելով, որ գերխնդիրը անկախության պահպանման եւ հետագա զարգացման համար եղել եւ մնում է մեր բնակչությունը, որը պետք է մնա իր տարածքում` չբռնելով արտագաղթի ճամփան:
«1918 թվականին, երբ հաղթանակներ տարանք, թվում էր թե բոլոր խնդիրները լուծելի են, բայց շատ արագ պարզվեց գլխավոր խնդիրը` բնակչության պակասը: Առաջին անկախության անկման գլխավոր խնդիրը բնակչության պակասն էր: Պետության կայացման, սահմանների պահպանման համար տեսանք, որ բնակչությունը պարզապես բավարար չէր: Պատմության դասերից մեկը սա պետք է լինի, որ ձեռք առնվեն միջոցներ երկրի բնակչությանն իր սահմաններում պահելու համար»,-ընդգծեց Եղիազարյանը:
Ինչ վերաբերում է Հայաստանի Մաքսային միությանը միանալուն, ապա բանախոսներն այս պարագայում անկախությանը վտանգող որեւէ բան չեն տեսնում: «Անկախության վտանգի գործոն այստեղ չկա: Որոշակի տնտեսական կապեր կան և այդ կապերի դեպքում առավելություններ կան: Ամեն մի երկիր առաջնորդվում է իր շահերով և մենք էլ պետք է առաջնորդվենք մեր ազգային շահերով: Իմ կարծիքով Եվրոպայի հետ կապը կշարունակվի»,-ասաց Էդիկ Մինասյանը:
Կարդացեք նաև
Քրիստինա ՄԻՐԶՈՅԱՆ
Հարգելիներս իմ կարծիքով դուք չեք պատկերացնում արտագաղթ կոչված խնդրի ամբողջ խորությունը.մոտավորապես 20 տարի հետո հայազգի զորակոչաին տարիքի տղաների 70% այլ երկրի քաղաքացիներ կլինեն քանի վոր այսօր նրանց ծնողները ստիպված հեռանում են հայաստանից