Սիրված երգչուհի Էռնա Յուզբաշյանը կրկին Հայաստանում է: Նա սեպտեմբերի 24-29-ը կայանալիք «Երաժշտության շաբաթ Երեւանում» ծրագրի շրջանակներում կներկայանա հայ հանդիսատեսին:
Aravot.am-ի հետ զրույցում երգչուհին հայտնեց, որ համագործակցության առաջարկը ստացել է Մոսկվայում՝ իր սան Էմիլ Կարատից:
Սեպտեմբերի 28-ին Էռնա Յուզբաշյանը կկատարի կոմպոզիտոր Ռոբերտ Ամիրխանյանի այն երգերը, որոնք իր այցեքարտն են համարվում, վստահ է, որ «У песни тоже есть душа» խորագրով համերգին մեծ թվով ունկնդիրներ կլինեն:
Նկատի ունենալով ներկայիս ստեղծագործական ազատությունները՝ Էռնա Յուզբաշյանից հետաքրքրվեցինք՝ եթե ժամանակին այսքան հնարավորություններ լինեին Հայաստանում, ինքը կմեկնե՞ր ԱՄՆ: «Ես չեմ փախել Հայաստանից, չե՛մ հեռացել, ինչ է, թե մութ էր, հոսանք ու գազ չկար: Ուղղակի ես հանդիպել էի իմ սիրած մարդուն, ու իմ սիրտն ու հոգին այնտեղ էին»,-պատասխանեց երգչուհին:
Կարդացեք նաև
Հիշեցնենք, որ 1994-ից նա հաստատվել է ԱՄՆ-ում, սակայն հաճախ է լինում հայրենիքում անձնական եւ ստեղծագործական այցերով:
Էռնա Յուզբաշյանի հետ հարցազրույցի մանրամասները՝ տպագիր «Առավոտի» առաջիկա համարներից մեկում:
Գոհար ՀԱԿՈԲՅԱՆ
