Այսօր Հանրային խորհրդի անդամ Արշակ Սադոյանը «Հենարան» ակումբում խոսեց անկախ Հայաստանի անցած ճանապարհի, ձեռքբերումների մասին:
«Ինձ համար գերծիծաղելի է… Շատերը չեն հասկանում, թե ինչ բան է իրական անկախությունը, իսկ անկախությունը դա ինքնուրույն որոշում կայացնելն է: Իրական անկախությունը` դա արդյունավետ որոշումներ ընդունելու անկախությունն է, ինչից մենք հիմա զրկված ենք ու մեզ հիմա պարտադրում են, եւ որեւէ մեկի մոտ այս առումով կասկած չկա: Ավելի լավ չէ՞ մենք գնանք Ռուսաստանի ոտքն ընկնենք, կամ նորից դառնանք վայրենի պետություն… Էլ ինչ Եվրոպա…
Անկախության կորուստը, այս խնդիրներով զիջումները` դա մոտավորապես նույնն է, որ ձեզ պարտադրեն ում հետ ամուսնանալ, ինչ շոր հագնել, եւ հիմա մեզ հետ նույն բանն է կատարվում, քանի որ մենք շորի փող չունենք, մեր փոխարեն որոշում են թե ինչ հագնենք»:
Արշակ Սադոյանը շեշտեց, որ անկախությունը սրբություն է ու անկախության օրը պետք է տոնենք անկախ ամեն ինչից:
Կարդացեք նաև
«Ես սարսափելի սխալ անընդունելի որոշում եմ համարում Սերժ Սարգսյանի սեպտեմբերի 3-ին կայացրած որոշումը, բայց միակ մխիթարանքն այն է, որ դա պարտադրված է եղել: Իսկ մեր միակ ձեռքբերումը` դա ձեր ազատությունն է հարց տալու»,- դիմելով լրագրողներին ասաց Արշակ Սադոյանը:
Եվա ՀԱԿՈԲՅԱՆ
