Այսօր ՀՀԿ ԳՄ նիստից առաջ ԱԺ պատգամավոր, ՀՀԿ ԳՄ անդամ Դավիթ Հարությունյանի հետ զրույցում անդրադարձ եղավ նաեւ Փակ շուկայի վիճահարույց խնդրին: Պատգամավորը գտնում է, որ այդ հարցը կարող է լուծվել իրավական տիրույթում եւ, որ դրա հնարավորությունները դեռեւս սպառված չեն. «Ապօրինի շինարարության դեպքում գոյություն ունեն հստակ իրավական գնահատականներ: Խորապես համոզված եմ եւ լավ իմանալով օրենսդրությունը ՝ կարող եմ ասել օրենսդրական հնարավորություններ միշտ կան»:
Պատգամավորը նկատեց, որ մեր օրենսդրության մեջ կան ոչ միայն այն մեխանիզմները, որոնք վերաբերվում են կանոնակարգմանը, այլ նաեւ սահմանված պատիժները մատնանշեց` քրեական օրենսգրքի 31,5 1, հոդվածների 2 –րդ մասերը: Ըստ պատգամավորի, այստեղ խնդիրը վերաբերվում է ոչ թե շուկայի սեփականատեր ԱԺ ՀՀԿ խմբակցության պատգամավոր Սամվել Ալեքսանյանին, այլ այն կազմակերպությանը, որը շինարարությունն իրականացնում է եւ այն անձանց, որոնք պարտավոր էին հետեւել շինարարության օրինական լինելու ընթացքին:
Նելլի ԳՐԻԳՈՐՅԱՆ
